Ֆրանսիայի բաց առաջնության տղամարդկանց մենախաղ 2015, թենիսի տղամարդկանց մենախաղի մրցաշար, թենիսի հիմնական՝ Մեծ Սաղավարտի, մրցաշարերից մեկը։ Անց է կացվել 2015 թվականի մայիսի 24-ից մինչև հունիսի 7-ը, Փարիզի «Stade Roland Garros» («Ռոլան Գարրոս մարզադաշտ») համալիրում, Ֆրանսիա։
Եզրափակիչում Ստանիսլաս Վավրինկան հաղթանակ է տարել Նովակ Ջոկովիչի նկատմամբ և շահել է Ֆրանսիայի բաց առաջնության մենախաղի իր առաջին տիտղոսը։
2009 թվականից ի վեր Ռաֆայել Նադալը առաջին անգամ չի կարողացել պաշտպանել չեմպիոնական տիտղոսը։ Պարտությունը իսպանացու համար դարձավ կարիերայում երկրորդ պարտությունը Ֆրանսիայի բաց առաջնությունում և ավարտին է հասցրել Փարիզի գրունտային ծածկույթի վրա նրա 39 խաղից բաղկացած անպարտելի շարքը։ Նախորդ տարիներին Նադալը Ջոկովիչին վեց անգամ հաղթել է ֆրանսիական առաջնությունում, այդ թվում երկու անգամ մրցաշարի եզրափակիչում։
Նովակ Ջոկովիչը առաջին անգամ կարողացավ Ռաֆայել Նադալին հաղթել Ֆրանսիայի բաց առաջնությունում։ Եզրափակիչում համաշխարհային դասակարգման առաջին համարին երրորդ փորձից չհանջողվեց հաղթանակ տանել և շահել Կարիրային Մեծ Սաղավարտը։