Ֆուրշետ

Ֆուրշետ (ֆր.՝ fourchette — պատառաքաղ), տերմին, որը բնութագրում է հյուրասիրության ժամանակակից ձև։ Ֆուրշետի ժամանակ հրավիրվածներն ուտում են կանգնած, ազատորեն ընտրելով ուտելիք և խմիչք։ Ֆուրշետը կազմակերպվում է հետևյալ դեպքերում.

հյուրերը շատ են, բայց նրանց դիմավորելու համար բավարար տարածք չկա,
տանտերերն ու հյուրերը սահմանափակ ժամանակ ունեն,
հանդիպման նպատակը շփումն է, ոչ թե մեծ ճաշկերույթը։

Առանձնահատկություններ խմբագրել

18-20 հյուրի համար տրամադրվում է մեկ մատուցող (անհրաժեշտության դեպքում),
մեծ քանակությամբ մանրիկ և նրբագեղ ձևավորված նախուտեստներ,
հիմնական տևողությունը 1,5-2 ժամ է,
նույն տարածք ունեցող դահլիճում Ֆուրշետի սեղանի մոտ կարելի է 4-5 անգամ ավելի շատ հյուրերի սպասարկել, քան բանկետի ժամանակ, սեղանի շուրջ։

Համագումարների, խորհրդակցությունների, ժողովների ընդմիջումների ժամանակ կազմակերպվում է ֆուրշետ-կոկտեյլ, որը տևում է մոտ մեկ ժամ։

Կազմակերպչական աշխատանքներ խմբագրել

Ճաշարան. 1884

Ֆուրշետ ամերիկյան Դիններ հյուրանոցում (1955թվական)

Գույքը դասավորելիս պետք է հաշվի առնել, որ ֆուրշետի համար ձևավորվող սեղանները պետք է սովորականից բարձր լինեն (90-100 սմ)։ Պատի և սեղանի միջև հեռավորությունը սահմանվում է 1,5 մ, որպեսզի հնարավոր լինի հեշտությամբ քայլել սեղանի շուրջ^[1]։ Կարևոր է նաև սեղանի սփռոցի ընտրությունը։ Ֆուրշետի համար ընտրվում են ընդունելությանը համապատասխան սփռոցներ։ Սձռոցի կողքերից սեղանին կարելի է «փեշ» հագցնել։ Սփռոցի և հատակի միջև հեռավորությունը պետք է լինի 5 սմ։ Սպասքադրման ժամանակ սեղանը զարդարում են ծաղկային կոմպոզիցիաներով^[2]։

Զովացուցիչ ըմպելիքներով շշերը դրվում են սեղանի եզրին։ Հյութերը, մրգային ըմպելիքները և հանքային ջրերը լցվում են համապատասխան տարաների մեջ և դասավորում են առնձին խմբերով։ Նախուտեստի համար նախատեսված ափսեներում նախատեսված սառը ուտեստների յուրաքանչյուր տեսակից գեղեցիկ ձևով դասավորում են են 6-10 կտոր։ Օվալաձեւ կամ քառակուսի սպասքները տեղադրվում են 45° անկյան տակ։ Ֆուրշետ կազմակերպելիս հաշվի առեք հետևյալը.

առաջին հերթին դնում են այնպիսի սննդամթերքներ, որոնք ջերմաստիճանի ազդեցությունից չեն կորցնում իրենց որակներն ու տեսքը,
վերջում դրվում են դոնդողավոր ուտելիքներ, մայոնեզով, կարագով և խավիարով նախուտեստներ։

Մենյու ստեղծելիս պետք է հաշվի առնել հետևյալը՝

մեկ հյուրի համար հաշվարկվում է 500-400 գ տարբեր խորտիկներ։
առաջարկվում է նաև 50 գ ապերիտիվ ողջույնի համար։

Կանապեները (փոքրիկ սենդվիչները ֆուրշետի համար նախատեսված ամենապարզ լուծումներն են։ Մեկ կանապեն կշռում է 15-30 գ), մի քանի թեթեւ նախուտեստներ, թեյ և միրգ։ Կանապեները (փոքրիկ սենդվիչները) ֆուրշետի համար նախատեսված ամենապարզ լուծումներն են։ Մեկ կանապեն կշռում է 15-30 գ։ Կարելի է ավելացնել մի քանի թեթև նախուտեստներ, թեյ և միրգ։ Գուրման ֆուրշետի Ճաշացանկը ներառում է 12-16 սառը նախուտեստներ, 1-3 տաք ուտեստներ, խմորեղեն, թեյ, սուրճ^[3]։

Պատկերասրահ խմբագրել

Խոզապուխտ և պանիր, գերմանական նախաճաշի ֆուրշետ
Ֆուրշետ զբոսանավի վրա
Ֆուրշետ, Ֆինլանդիա
Ֆուրշետ
Գեղեցիկ նախաճաշ
ֆուրշետ պանիրով, սառը ուտեստներով և հացի կտորներով
Ֆուրշետ Սլովենիայում
Նախաճաշի համար ֆուրշետ Գերմանիայում
Հաճախորդն օգտվում է ֆուրշետի սեղանից
Ինդոնեզական ոճի ֆուրշետ

Ծանոթագրություններ խմբագրել

↑ «Buffet». The Free Dictionary By Farlex. Վերցված է 2012 թ․ մայիսի 19-ին.
↑ «Buffet». The Free Dictionary By Farlex. Վերցված է 2012 թ․ մայիսի 19-ին.
↑ How to Prepare and Serve a Meal, Project Gutenberg etext of the 1922 book by Lillian B. Lansdown

Վիքիպահեստն ունի նյութեր, որոնք վերաբերում են «Ֆուրշետ» հոդվածին։

[1] «Buffet». The Free Dictionary By Farlex. Վերցված է 2012 թ․ մայիսի 19-ին.

[2] «Buffet». The Free Dictionary By Farlex. Վերցված է 2012 թ․ մայիսի 19-ին.

[3] How to Prepare and Serve a Meal, Project Gutenberg etext of the 1922 book by Lillian B. Lansdown

[1]

[2]

[3]