Հելենա Ռակոչի
Հելենա Ռակոչի (Կշինով-) (լեհ.՝ Helena Rakoczy (Krzynow-), դեկտեմբերի 23, 1921, Կրակով, Լեհաստանի Երկրորդ Հանրապետություն - սեպտեմբերի 2, 2014[1], Կրակով, Լեհաստան), լեհ մարմնամարզուհի[2], աշխարհի քառակի չեմպիոն (1950), Ամառային օլիմպիական խաղերի բրոնզե մեդալակիր (Մելբուրն, 1956)[2]:
| Հելենա Ռակոչի | |
|---|---|
 | |
| Անձնական տեղեկություն | |
| Սեռ՝ | իգական |
| Բնօրինակ անուն՝ | լեհ.՝ Helena Rakoczy |
| Մասնագիտացում՝ | սպորտային մարմնամարզիկ |
| Երկիր՝ |  Լեհաստան |
| Ծննդյան ամսաթիվ՝ | դեկտեմբերի 23, 1921 |
| Ծննդավայր՝ | Կրակով, Լեհաստանի Երկրորդ Հանրապետություն |
| Մահվան ամսաթիվ՝ | սեպտեմբերի 2, 2014[1] (92 տարեկան) |
| Մահվան վայր՝ | Կրակով, Լեհաստան |
| Ակումբ՝ | Wawel Kraków? |
| 166 սմ | |
| Քաշ՝ | 55 կգ |
Կենսագրություն խմբագրել
Հելենա Ռակոչին ծնվել է 1921 թվականի դեկտեմբերի 23-ին Կրակովում։ Հանդես է եկել «Վավել» (Կրակով) ակումբում։ Վեց անգամ ճանաչվել է Լեհաստանի չեմպիոն։
1950 թվականին Շվեյցարիայի Բազել քաղաքում անցկացված աշխարհի առաջնության ժամանակ Հելենա Ռակոչին արժանացել է չորս ոսկե և մեկ բրոնզե մեդալների. նա չեմպիոն է ճանաչվել գերանի վրա կատարված և ազատ վարժություններում, հենացատկում ու բացարձակ առաջնությունում, իսկ զուգափայտերի վրա կատարած վարժություններում գրավել է երրորդ տեղը։
Չորդ տարի անց՝ Հռոմում անցկացված աշխարհի առաջնության ժամանակ (1954), արժանացել է երկու բրոնզե մեդալների՝ երրորդ տեղը գրավելով բացարձակ առաջնությունում ու զուգափայտերի վրա կատարած վարժություններում։ 1956 թվականին Մելբուրնում անցկացված Ամառային օլիմպիական խաղերում Հելենա Ռակոչին թիմային առաջնությունում արժանացել է բրոնզե մեդալի առարկայով կատարված վարժություններում։ Բացարձակ առաջնությունում ութերորդ տեղն է գրավել Հելսինկիում անցկացված Ամառային օլիմպիական խաղերում (1952), իսկ 1956 թվականի Մելբուրնում անցկացված օլիմպիական խաղերում նույն մարզաձևում գրավել է չորրորդ տեղը։
Մարզական կարիերան ավարտելուց հետո որպես մարզիչ աշխատել է Լեհաստանում ու ԱՄՆ-ում։ Բացի դրանից՝ մարմնամարզության մրցությունների ժամանակ հանդես է եկել որպես դատավոր։
2004 թվականին Հելենա Ռակոչին՝ որպես ամենաշատ տիտղոսներն ունեցող լեհ մարմնամարզուհին, ընդգրկվել է Օկլահոմա Սիթիի Սպորտային մարմնամարզության փառքի սրահում։ Այնտեղ էլ նա պարգևատրվել է Լեհաստանի Վերածննդի շքանշանի սպայական խաչով։
Ծանոթագրություններ խմբագրել
- ↑ 1,0 1,1 1,2 https://pantheon.world/profile/person/Helena_Rakoczy
- ↑ 2,0 2,1 «Հելենա Ռակոչին sports-reference.com կայքում». Արխիվացված է օրիգինալից 2012 թ․ հոկտեմբերի 21-ին. Վերցված է 2016 թ․ ապրիլի 2-ին.
Արտաքին հղումներ խմբագրել
- http://www.przegladsportowy.pl/inne-dyscypliny,zmarla-helena-rakoczy,artykul,499075,1,307.html Արխիվացված 2015-04-02 Wayback Machine
 | Վիքիպահեստն ունի նյութեր, որոնք վերաբերում են «Հելենա Ռակոչի» հոդվածին։ |