Դուլութ
Դուլութ (անգլ.՝ Duluth), քաղաք ԱՄՆ-ի հյուսիսային մասում, Մինեսոտա նահանգում։ Շրջանի վարչական կենտրոնը Սենտ Լուիսն է։ Քաղաքի ոչ պաշտոնական անվանումներից մեկը «քաղաք-օդորակիչ» է։
| Բնակավայր | |||
|---|---|---|---|
| Դուլութ | |||
| |||
 | |||
| Երկիր |  ԱՄՆ | ||
| Հիմնադրված է | 1679 թ. | ||
| Մակերես | 236,778437 կմ², 226,439281 կմ² | ||
| ԲԾՄ | 214±1 մետր | ||
| Բնակչություն | ▲86 697 մարդ (ապրիլի 1, 2020)[1] | ||
| Ժամային գոտի | CDT? | ||
| Հեռախոսային կոդ | 218 | ||
| Փոստային դասիչ | 55801, 55802, 55803, 55804, 55805, 55806, 55807, 55808, 55810, 55811, 55812 | ||
| Պաշտոնական կայք | duluthmn.gov(անգլ.) | ||
| |||
.jpeg)
Աշխարհագրություն խմբագրել
ԱՄՆ-ի վիճակագրության բյուրոյի տվյալներով, քաղաքի ընդհանուր մակերեսը կազմում է 226.44 կմ², որից 175.58 կմ²-ն զբաղեցնում է ցամաքը, իսկ 50.87 կմ²-ն՝ ջրային տարածքները[2]։
Դուլութը նաև նավահանգիստ է, ծովի մակարդակից 185 մ բարձրության վրա, Վերին լճի ափին, որը Մեծ Լճերի համակարգից ամենախոշոր և սառը լիճն է։ Դա պայմանավորում է շրջանի տնտեսության հիմքը՝ բեռների մշակումը։ Քաղաքում զարգացած է նաև զբոսաշրջությունը։
Վերին լիճը մեծ ազդեցություն ունի քաղաքի կլիմայի վրա։ Դուլութ քաղաքը գտնվում է խոնավ ցամաքային կլիմայական գոտում (Köppen Dfb)։ Կլիման խոնավ է, քամոտ, ԱՄՆ-ի ամենացուրտ վայրերից մեկը (բացառությամբ Ալյասկայի)։ Նոյեմբերի կեսերից մինչև ապրիլի սկիզբը օրական միջին ջերմաստիճանը չի գերազանցում 0˚C-ը։ Տեղումների տարեկան քանակը կազմում է 727 մմ։ Ամռանը տեղումները հիմնականում թափվում են անձրևի կամ կամ մանրամաղ անձրևի տեսքով, իսկ ձմռանը՝ ձյան տեսքով։ Տարեկան միջին ջերմաստիճանը կազմում է +3,8 ˚C: Ամառները տաք են, սակայն գիշերները հիմնականում ցուրտ է լինում։ Հուլիսի օրական միջին ջերմաստիճանը կազմում է 24 ˚C: Դուլութի պատմության ընթացքում ամենացածր ջերմաստիճանը դիտվել է 1885 թվականի հունվարի 2-ին (-41˚C), իսկ ամենաբարձր ջերմաստիճանը՝ 1936 թվականի հուլիսի 13-ին (41˚C)։
Բնակչություն խմբագրել
2000 թվականի դրությամբ բնակչության թիվը կազմում էր 86 918 մարդ։ Առկա էր 35 500 տնային տնտեսություն և 19 918 ընտանիք։ Բնակչության խտությունը կազմում էր 493.5 մարդ/կմ²։ Հաշվվում էր 36 994 շինություն՝ 210.0 շինություն/կմ² խտությամբ։
2010 թվականի մարդահամարի տվյալներով բնակչության թիվը կազմում էր 86 265 մարդ։ Առկա էր 35 705 տնային տնտեսություն և 18 680 ընտանիք։ Բնակչության խտությունը կազմում էր 491.3 մարդ/կմ²։ Հաշվվում էր 38 208 բնակելի շինություն՝ 563.6 շինություն/կմ² խտությամբ։ Ռասայական կազմը հետևյալն էր՝ սպիտակամորթներ - 90,4 %, աֆրոամերիկացիներ – 2,3 %, բնիկ ամերիկացիներ (հնդկացիներ) – 2,5 %, ասիացիներ – 1,5 %, այլ ռասաների ներկայացուցիչներ – 0,3 %, երկու կամ ավելի ռասաների ներկայացուցիչներ – 3,0 %: Իսպանախոսները կամ լատինոամերիկացիները կազմում են բնակչության 1,5 %–ը (անկախ ռասայից)[3]։
Բնակչության տարիքային կազմը հետևյալն էր՝ 18,5 % - մինչև 18 տարեկան, 19,6 % - 18-24 տարեկան, 23,4 % - 25-44 տարեկան, 24,8 % - 45-64 տարեկան և 13,8 % - 65 և ավելի բարձր։ Շրջանի բնակչի միջին տարիքը 33,6 տարեկան է։
Քաղաքի բնակիչների 1/3-րդը Սկանդինավյան թերակղզու սերունդներն են կամ բնակիչները։ Բնակիչների 18,5 %-ը գերմանական ծագում ունեն։ Քաղաքի հայտնի բնակիչներից է Բոբ Դիլանը։
Բնակչության աճի դինամիկան ըստ տարեթվերի․[4][5]
| 1950 | 1960 | 1970 | 1980 | 1990 | 2000 | 2010 |
|---|---|---|---|---|---|---|
| 104 511 | 107 312 | 100 578 | 92 811 | 85 493 | 86 918 | 86 265 |
Քույր քաղաքներ խմբագրել
Ծանոթագրություններ խմբագրել
- ↑ 2020 թվականի ԱՄՆ մարդահամար / United States Census Bureau
- ↑ «US Gazetteer files 2010». United States Census Bureau. Վերցված է 2012 թ․ նոյեմբերի 13-ին.
- ↑ «Profile of General Population and Housing Characteristics: 2010» (անգլերեն). United States Census Bureau. Արխիվացված է օրիգինալից 2015 թ․ մայիսի 15-ին. Վերցված է 2015 թ․ մայիսի 15-ին.
- ↑ «Population of Counties by Decennial Census: 1900 to 1990». United States Census Bureau. Վերցված է 2014 թ․ մայիսի 29-ին.
- ↑ «Census 2000 PHC-T-4. Ranking Tables for Counties: 1990 and 2000» (PDF). United States Census Bureau. Վերցված է 2014 թ․ մայիսի 29-ին.
- ↑ Newest U.S.-Iraqi Sister City Aims to Expand Cultural Understanding Արխիվացված 2014-08-11 Wayback Machine Sister Cities International (անգլ.)
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Դուլութ» հոդվածին։ |