Ադոբո

Ադոբո
	Ադոբոյի բաղադրիչները
Ենթատեսակ	սննդամթերք
Առաջացման երկիր	Ֆիլիպիններ
	Adobo (Filipino cuisine) Վիքիպահեստում

Ադոբո, ֆիլիպինյան խոհարարական տերմին, խոզի մսի (երբեմն հավի մսի հետ) պատրաստման եղանակ է՝ շոգեխաշած քացախով, սոյայի սոուսով և այլ համեմունքներով։ Մատուցվում է բրնձի հետ, նաև ափսեում կարող է լցվել կերակրալցուկ, որի մեջ պատրաստվել է միսը կամ էլ այն տապակվել է և մատուցվել չորացրած վիճակում։ Համարվում է Ֆիլիպինյան խոհանոցի անբաժանելի մասը^[1]։

«Ադոբո» բառը փոխառվել է իսպաներենից (իսպ. adobo), որը նշանակում է կարագից, քացախից, համեմունքներից թթվաջուր։ Ֆիլիպեններում գաղութացվածներից առաջինը ադոբոյի մասին գրել է Սան-Բուենավենտուրան։ Նա այն անվանել է «ադոբո դե լոս նատուրալես» (իսպ. adobo de los naturales), ուտեստը նրան հիշեցրել է նմանատիպ բաղադրիչներից պատրաստվող իսպանական ուտեստ, իսկ քացախով տապակելը տեղական տարբերակ է՝ արևադարձային կլիմայում միսը թարմ պահելու համար^[2]^[3]։

Գոյություն ունեն ադոբոյի տարատեսակներ, որոնք պատրաստվում են կաղամարներից, ձկներից, ծովամթերքներից, միջատներից՝ ճռիկներից և բանջարեղենից։

Ամենահայտնիները նշված են ստորև^[3].

հավի մսից կամ խոզի մսից ադոբո.
խոզի մսից, հավի մսից, անատտո արգանակով տավարի մսից, սոյայի սոուսի հետ, որը հորինվել է Բատանգասում։
«Ադոբո սա գատա» — Հարավլուսոնյան տարատեսակ է, որը պատրաստվում է կոկոսի կաթից և կանաչ պղպղեղից։
«Ադոբոնգ պուտի» (սպիտակ ադոբո) - առանց դափնու տերևի և սոյայի սոուսի պատրաստվող տարատեսակ։
«Ադոբոնգ պուսո նգ սագինգ» — բանջարեղենային ադոբո, որը ծագել է Կավիտեից։
«Ադոբոնգ մալուտոնգ» (խրթխրթան ադոբո) — պատրաստում է տաքացրած ձեթի մեջ այնքան, մինչև դառնա խրթխրթան։
«Ադոբոնգ պուսիտ» (կաղամարից — կաղամարը տապակում են քացախի և սոյայի սոուսների մեջ։
«Ապան-ապան ադոբաբո» — ջրային սպանախով ադոբո։