ArmSat-1
ArmSat-1, Հայաստանի առաջին արբանյակը, որը տիեզերք է արձակվել 2022 թվականի մայիսի 25-ին։
Ընդհանուր տեղեկություններ | |
---|---|
Տեսակ | արբանյակ |
Երկիր | Հայաստան |
Կազմակերպություն | Գեոկոսմոս |
Խնդիրներ | սահմանների հսկողություն, արտակարգ իրավիճակների կանխարգելում, շրջակա միջավայրի պահպանում, քաղաքաշինություն, ճանապարհաշինություն, երկրագիտություն |
Տիեզերանավի թռիչքային տվյալներ | |
Տիեզերանավ | SpaceX ընկերության տիեզերանավ |
Կրող հրթիռ | Falcon 9[1] |
Մեկնաթռիչքի հրապարակ | Կանավերալի հրվանդանի տիեզերակայան |
Մեկնարկ | 2022 թվականի մայիսի 25 |
Թռիչքի տևողություն | նվազագույնը 4 տարի |
Զանգված | 17,9 կիլոգրամ |
NSSDC ID | 2022-057AK |
NORAD ID | 52765 |
Պատմություն խմբագրել
ArmSat-1 արբանյակը, որը սկզբնապես կոչվել է «Urdaneta», տիեզերք է արձակվել 2022 թվականի մայիսի 25-ին՝ Երևանի ժամանակով ժամը 22.35-ին։ Արձակումը տեղի է ունեցել Ամերիկայի Միացյալ Նահանգների Կանավերալի հրվանդանում գտնվող տիեզերակայանից՝ SpaceX ընկերության տիեզերանավով։ Այդ մասին Հայաստանի կառավարության նիստում հայտարարել է վարչապետ Նիկոլ Փաշինյանը[2]։
Արբանյակի արձակումը կատարվել է հայկական պետական «Գեոկոսմոս» և իսպանական «Սանտլանտիս» ընկերությունների համատեղ աշխատանքի շնորհիվ։ Հայաստանի կառավարությունը դեռևս 2013 թվականի հունիսին էր հայտարարել «Armsat» արբանյակն արձակելու մասին։ Այդ ծրագրի արժեքը պետք է լիներ 250 միլիոն դոլար։ Սակայն այդ նախագիծը երկար տարիներ ի կատար չածվեց[2]։
Արբանյակը ժամանակավորապես կոչվել է «Urdaneta», սակայն որոշ ժամանակ անց՝ 2022 թվականի հունիսին վերանվանվել է «ArmSat-1»[3]։
Նշանակություն խմբագրել
«ArmSat-1»-ի հաղորդած տեղեկությունները հասանելի են լինելու միայն Հայաստանի Հանրապետությանը[4]։ Ըստ վարչապետ Փաշինյանի՝ արբանյակի ուղարկած տվյալները Հայաստանում կօգտագործվեն սահմանները հսկելու, արտակարգ իրավիճակները կանխարգելելու և կառավարելու, շրջակա միջավայրը պահպանելու, քաղաքաշինության, ճանապարհաշինության, երկրագիտության և այլ ոլորտներում[2]։
Տվյալներ խմբագրել
«ArmSat-1»-ը Երկիր մոլորակը դիտարկելու 16U CubeSat տիպի փոքր արբանյակ է։ Զանգվածը՝ 17,9 կիլոգրամ։ Արբանյակի վրա տեղադրված է Satlantis iSIM-90 օպտիկական համակարգը։ Օպտիկայի տարածքային թույլատվությունը 1,8 մետր է, գրավման գոտու լայնությունը՝ 14,3 կիլոմետր։ «ArmSat-1»-ն աշխատում է հետևյալ չորս սպեկտրալ դիապազոններում՝ PAN, RGB, NIR և SWIR։ Այն թռչում է 500 կմ հելիոսինքրոն ուղեծրով։ Արբանյակի աշխատանքի նվազագույն տևողությունը 4 տարի է[2][5]։
Ծանոթագրություններ խմբագրել
- ↑ 1,0 1,1 McDowell J. Jonathan's Space Report — 1989.
- ↑ 2,0 2,1 2,2 2,3 Հայաստանը տիեզերք է արձակել իր առաջին արբանյակը
- ↑ Հայաստանի առաջին արբանյակը կապ է հաստատել Երկրի հետ. ենթահամակարգերն աշխատում են անխափան
- ↑ Հայաստանում մինչև տարեվերջ բացվելու է «ArmSat-1» արբանյակի կառավարման կենտրոն
- ↑ Հայացք՝ վերևներից։ «Հայաստանի առաջին արբանյակի» տեխնիկական մանրամասները