150 000 000
«150 000 000», Վլադիմիր Մայակովսկու պոեմը, որը գրվել է 1919 և 1920 թվականներին։
150 000 000 | |
---|---|
Տեսակ | պոեզիա և գրական ստեղծագործություն |
Ժանր | պոեզիա |
Հեղինակ | Վլադիմիր Մայակովսկի |
Երկիր | ՌԽՖՍՀ |
Բնագիր լեզու | ռուսերեն |
Գրվել է | 1919 |
Հրատարակվել է | 1920 |
Պատմություն
խմբագրելՊոեմը Մայակովսկին գրել է 1919 թվականի առաջին կեսին և ավարտել է 1920 թվականի մարտին։ Պոեմը նախապես ունեցել է վերնագրի մի քանի տարբերակ․ «Միլիոնների կամքը», «Բիլինա Իվանի մասին», «Իվան Բիլինա։ Հեղափոխության էպոս»[1]։
1920 թվականի մարտի 5-ին Մոսկվայում պոետը կարդացել է իր պոեմից հատվածներ ակումբի բացման ժամանակ` Համառուսական միության առջև։ Ամբողջությամբ այն կարդացվել է 1920 դեկտեմբերի 4-ին Արվեստի տանը` Պետրոգրադում և նույն թվականի դեկտեմբերի 12-ին Պոլիտեխնիկական թանգարանում` Մոսկվայում[1]։
Բանաստեղծի նոթատերտրերում բանաստեղծության հատվածների, առանձին տողերի և բլանկների առաջին ինքնագրերը թվագրվում են 1919 թվականին։ Պահպանվել է 1920 թվականի հեղինակի կողմից կատարված ուղղումներով և լրացումներով մեքենագրությունը։ Պոեմից որոշ հատվածներ հրապարակվել են նույն թվականին «Գեղարվեստական խոսք» ամսագրում։ Բանաստեղծության առանձին հրատարակումը՝ առանց հեղինակի անվան, եղել է 1921 թվականին «Գիզ» հարատարակչության կողմից[1]։ Մայակովսկին միտումնավոր է հրաժարվել է նշել իր ազգանունը ենթադրելով, որ այն կարող է հիմք դառնալ զանգվածների ազատ ստեղծագործության համար։ Փորձը ձախողվել է․ «Ավարտեցի «Հարյուր հիսուն միլիոնը»։ Տպում եմ առանց ազգանվան։ Ցանկանում եմ, որ բոլորը ինչ–որ բան ավելացնեն և բարելավեն։ Այդ բանը չարեցին, սակայն բոլորն էլ գիտեին ազգանունը»[2]։
Բանաստեղծության տպագիր տեքստի պատճենը, որը 1924 թվականին պատրաստել է Լիլյա Յուրիևնա Բրիկը, ներկայացվել է Պետական հրատարակչության գրականության և արվեստի բաժին 1924 թվականի հոկտեմբերի 9-ին։ Վլադիմիր Մայակովսկու ձեռքով է գրված տիտղոսաթերթը․ «Վ․ Վ․ Մայակովսկի, 150 000 000»։ Հրապարակումը, սակայն, չի իրականացվել[1]։
Ի տարբերություն պոեմի նախկին հրապարակումների, որտեղ տեքստը տպվել էր «սյունակներով», պոետը առաջարկվող նոր հրատարակության համար օգտագործել է տողերի աստիճանական համակարգը, որին անցել է 1923 թվականից[1]։
Տես նաև
խմբագրելԾանոթագրություններ
խմբագրել- ↑ 1,0 1,1 1,2 1,3 1,4 Владимир Маяковский (1956). «Том 2. 150 000 000». Полное собрание сочинений в 13 томах. (ռուսերեն). ГИХЛ. Արխիվացված օրիգինալից 2017 թ․ նոյեմբերի 15-ին.
- ↑ Маяковский В. В. «Я сам»
Գրականություն
խմբագրել- Маяковский В. В. Полное собрание сочинений: В 13 т. / АН СССР. Ин–т мировой лит. им. А. М. Горького. — М.: Гос. изд–во худож. лит., 1955—1961.
- Маяковский В. В. Полное собрание сочинений: В 13 т. / Т.2. [Стихотворения, поэма и пьесы 1917—1921 годов] / Подгот. текста и примеч. Н. В. Реформатской; Ред. В. Перцов. — — М.: Гос. изд–во худож. лит., 1956. — 520 с.
Արտաքին հղումներ
խմբագրել- Владимир Маяковский. «Том 2. Стихотворения и пьесы 1917-1921». Ruslit.traumlibrary.net.