Ֆլամանդական շահ (կուսակցություն)

Ֆլամանդական շահ (հոլ.՝ Vlaams Belang), Բելգիայի ծայրահեղ աջ կուսակցություն, որը հանդես է գալիս Ֆլանդրիայի անկախության, էմիգրացիայի սահմանափակման, ինչպես նաև «ֆլամանդական ավանդական արժեքների» պահպանման համար։ Գործում է Բելգիայի ֆլամանդական մասում։ Մինչև 2004 թվականի վերջ կուսակցությունը կոչվում էր «Ֆլամանդական բլոկ», կուսակցության նախագահ՝ Բրյունո Վալկենիրս է։

Ֆլամանդական շահ Vlaams Belang
Տեսակ	Ծայրահեղ աջ կուսակցություն
Երկիր	Բելգիա
Առաջնորդ	Բրյունո Վալկենիրս
Հիմնադիր	Կարլ Դիլլենն
Հիմնադրված	1979 թվականին
Գաղափարախոսություն	ֆլամանդական ազգայնամոլություն, պահպանողականություն, անջատողականություն,
Քաղաքական հայացք	ծայրահեղ աջեր
Շտաբ	Բրյուսել, Բելգիա
Նախորդ	Vlaams Blok?
Կայք	vlaamsbelang.org
Vlaams Belang Վիքիպահեստում

Պատմություն

Կուսակցությունը ձևավորվել է 1979 թվականին Ֆլամանդական ժողովրդական կուսակցությունից և Ֆլամանդական ազգային կուսակցությունից։ Հիմնադիր նախագահը Կարլ Դիլլենն (1925—2007) էր։ Կուսակցությունը ձգտում է Բելգիայի հոլանդախոս շրջանների անկախությանը, ինչպես նաև Ֆլանդրիայի մշակութային արժեքների պաշտպանությանը։ 1990-ական թվականներին կուսակցությունը մեծ հաջողությունների հասավ ընտրությունների ժամանակ, մասնավորապես Անտվերպենում։ Կուսակցությունը համագործակցում է Ֆրանսիայի Ազգային ճակատ կուսակցության և Գերմանիայի հանրապետական կուսակցության հետ։ 2004 թվականի նոյեմբերի 9-ին Բելգիայի բողոքարկման դատարանը մեղադրեց Ֆլամանդական շահ կուսակցությանն էմիգրանտների խտրականության մեջ։ 2004 թվականին նոյեմբերի 14-ին կուսակցությունը վերանայեց իր ծրագիրը։

Ծրագիր

• Երեխաների բարձր նպաստներ, ինչը կնպաստի ծնելիության բարձրացմանը
• Ստեղծել կենսաթոշակային կուտակային համակարգ
• Կրթական համակարգի պահպանում
• Թուրքիայի ԵՄ-ի անդամակցության դեմ պայքար
• Խոսքի ազատությունը սահմանափակող օրենքների վերացում
• Միասնական հարկի մտցնում
• Աբորտների արգելում
• Պետական ձեռնարկությունների սեփականաշնորհում

Գաղափարախոսություն

Լրագրողները մեղադրում էին Ֆլամադական շահի առաջնորդին քսենոֆոբիայի մեջ։ Ռուսաստանի արտգործնախարարությունը իր «Նեոնացիզմը վտանգավոր մարտահրավեր է մարդու իրավունքների, ժողովրդավարության, օրենքի գերակայության համար» 2015 թվականի ելույթում բնութագրեց կուսակցությանը, ինչպես «նեոնացիստական նշանակության մարգինալ կազմակերպություններից» մեկը։

Գրականություն

• Франк Декер. Популизм: угроза демократии или полезные изменения?, VS Verlag für Sozialwissenschaften, Wiesbaden 2006, ISBN 3-531-14537-1
• Томас Гревен, Томас Грумке. Глобализация верна?, Die extremistische Rechte in der Ära der Globalisierung, VS Verlag für Sozialwissenschaften, Wiesbaden 2006, ISBN 3-531-14514-2
• Оскар Нидермайер, Ричард Штёсс, Мелани Хаас. Партийная система Западной Европы, VS Verlag für Sozialwissenschaften, Wiesbaden 2006, ISBN 3-531-14111-2