Քաջարի զինվոր Շվեյկի հուշարձան (Սանկտ Պետերբուրգ)
Քաջարի զինվոր Շվեյկի հուշարձան (ռուս.՝ Памятник бравому солдату Швейку), հուշարձան Ռուսաստանի Սանկտ Պետերբուրգ քաղաքում, որը տեղադրված է Բալկանյան հրապարակում և նվիրված է չեխ գրող Յարոսլավ Հաշեկի «Քաջարի զինվոր Շվեյկի արկածները» վեպի գլխավոր հերոս, երգիծական կերպար զինվոր Շվեյկին։
 | |
|---|---|
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Սանկտ Պետերբուրգ |
| Շինության ձև | քանդակ |
| Ներկա վիճակ | Կանգուն |
Պատմություն խմբագրել
Քանդակի ստեղծման նախաձեռնողները տեղական իշխանությունների ներկայացուցիչներն էին. քաղաքի 300-ամյակը համընկել էր չեխ անվանի գրող Յարոսլավ Հաշեկի հոբելյանին, որն իր երգիծական ստեղծագործությունում նկարագրել էր ձախորդ զինվորի արկածները[1]։
Շվեյկի բրոնզե հուշարձանը կերտել է քանդակագործ Ալբերտ Չարկինը` Դմիտրի Պախոմովի համահեղինակությամբ, Մ. Գ. Մանիզերի անվան գեղարվեստական ձուլման «Մոնումենտսկուլպտուրա» գործարանում (Ռաստաննի նրբանցք, 1)։ Ճարտարապետն է Ա. Պոլեշչուկը[1]։
Որպես հիմք վերցված է գրական հերոսի իրական հասակը` 160 սմ, իսկ տակառի տեսքով պատրաստված պատվանդանի բարձրությունը 80 սմ է։ Հեղինակների գաղափարը լիովին արտացոլում է հերոսի էությունը. հուշարձանը պատկերում է խիզախ զինվորին ծաղրական կերպարով, որը համապատասխանում է նրա անհոգ և ուրախ կենսակերպին. Շվեյկն աջ ձեռքով պատիվ է տալիս, իսկ ձախով թիկունքում թաքցնում է գարեջրի գավաթը։ Քանդակի ստեղծողները կարողացել են լիարժեք կերպով փոխանցել գրական հերոսի կերպարը, որը հեղինակը ցանկացել է հաղորդել իր ընթերցողներին[1]։
Հուշարձանը տեղադրվել է Բալկանյան հրապարակում, որից սկիզբ է առնում Յարոսլավ Հաշեկի փողոցը, մետրոյի «Կուպչինո» կայարանի հյուսիսային մուտքից 40 մետր հեռավորության վրա։ Բացումը տեղի է ունեցել 2003 թվականի ապրիլի 11-ին։ Բացման արարողությանը մասնակցել է գրողի թոռը` Ռիխարդ Հաշեկը, որը զբաղվում է պապի գրական ժառանգության ուսումնասիրությամբ։ Սակայն ո՛չ Յարոսլավ Հաշեկը, ո՛չ էլ նրա հերոս Շվեյկը երբեք չեն եղել Սանկտ Պետերբուրգում[1]։
Հետագայում առևտրային համալիրի կառուցման պատճառով այն տեղափոխվել է մետրոյի կայարանի հյուսիսային մուտքին ավելի մոտ և տեղադրվել փոքր պատվանդանի վրա, ինչը հուշարձանը դարձրել է ավելի կոմպակտ և արտահայտիչ։
Ծանոթագրություններ խմբագրել
- ↑ 1,0 1,1 1,2 1,3 «Памятник бравому солдату Швейку». Վերցված է 2019 Փետրվար 14-ին.
Արտաքին հղումներ խմբագրել
- Бачина, Мелани (2003 թ․ ապրիլի 30). «120-летие Ярослава Гашека». Радио «Свобода». Արխիվացված է օրիգինալից 2013 թ․ ապրիլի 17-ին. Վերցված է 2013 թ․ ապրիլի 15-ին.