Տրամվայի հուշարձան (Սովետսկ)

Տրամվայի հուշարձան (ռուս.՝ Трамвай-памятник), МС-4 սերիայի տրամվայ, որը, որպես հուշարձան, տեղադրված է Սովետսկի Հաղթանակի հետիոտնային փողոցում։ Հիմնադրվել է որպես հիշեցում, որ 1901-1944 թվականներին Տիլզիտում գործել է տրամվայ։

Տրամվայի հուշարձան
МС-4-12 տրամվայի հուշարձանը Հաղթանակի փողոցում
Կոորդինատներ	55°04′52″ հս․ լ. 21°53′21″ ավ. ե.
Գտնվում է	Ռուսաստան Սովետսկ
Ներկա վիճակը	Կանգուն

Պատմություն

Տիլզիտի հայտնի էլեկտրական տրամվայի գիծը բացվել է 1901 թվականի հուլիսի 26-ին և գործել է մինչև 1944 թվականի հոկտեմբեր։ Տրամվայի գծերը և վագոններն արտադրվել էին Ֆրանկֆուրտ քաղաքում գերմանական «Lahmeyer & Co» ընկերությունում։ Երկրորդ համաշխարհային պատերազմից հետո նոր քաղաքային իշխանությունները որոշեցին, որ ավտոբուսի երթևեկությունն ավելի արդյունավետ և հարմար է, քան տրամվայը, և Տիլզիտի տրամվայի համակարգը վերացվեց։ Թե որտեղ են այժմ գտնվում Տիլզիտի տրամվայի պարկի վագոնները, անհայտ է, սակայն Սովետսկում դեռևս կարելի է տեսնել հայտնի տրամվայի «հետքերը»՝ երկաթգծի հետքեր և սյուներ։

2012 թվականի օգոստոսին Տիլզիտի տրամվայի հիշատակին Սովետսկի իշխանությունները քաղաքի կենտրոնական հրապարակում տեղադրեցին տրամվայի վագոն։ Հուշարձանի մոտ տեղադրվել է փողոցային լապտեր՝ ռուսերեն և գերմաներեն լեզուներով փողոցների նշումներով։ Տրամվայի ներսում պարբերաբար կազմակերպվում են լուսանկարների ցուցահանդեսներ, որոնք պատմում են քաղաքի անցյալի և Սովետսկի ժամանակակից կյանքում տեղի ունեցող հիմնական իրադարձությունների մասին։

Նկարագրություն

Հուշարձանը 1933 թվականին Պուտիլովսկի գործարանում արտադրած МС-4 սերիայի տրամվայ է։ Ուղևորների համար շահագործումից հետո մեքենան փոխանցվել է ճանապարհային սպասարկմանը և աշխատել М-52 և М-26 համարներով։ 2006 թվականին վագոնը գնել է ընկերությունը և վերածել չշարժվող մակետի, ստացել է 2601 համարը և նախատեսվել է օգտագործել որպես սրճարան։ 2007 թվականին աշխատանքները դադարեցվել են, ապա վագոնը գտնվել է Սանկտ Պետերբուրգի էլեկտրատրանսպորտի թանգարանում նախկին №2 տրամվայի պարկի տարածքում։ 2012 թվականին վագոնը տեղափոխվել է Սովետսկ քաղաք, որպեսզի տեղադրվի որպես հուշարձան։

МС-4

МС-4

• Արտադրող՝ Պուտիլովսկի գործարան
• Կառուցված միավորներ՝ № 12 (նախկինում՝ 2601)
• Թողարկման ամսաթիվ՝ 1933 թ.

Բնութագրիչներ

• Մաքսիմալ արագություն՝ 40 կմ/ժ
• Քաշը՝ 12,56 տ
• Նստատեղ՝ 24
• Ամբողջական տարողություն՝ 107 (8 մարդ/մ²)
• Ցածրաքաշություն՝ 320 մմ%
• Դռների քանակը՝ 2

Չափեր

• Երկաթուղագիծ՝ 1524 մմ
• Երկարություն՝ 10345 մմ
• Լայնություն՝ 2140 մմ
• Բարձրություն՝ 3260 մմ
• Բազա՝ 9839 մմ
• Քարշակի բազա՝ 2700 մմ

Շարժիչ

• Հզորություն՝2 х 52.3 կվտ

Արտաքին հղումներ

• Տրամվայի նկարները transphoto.org կայքում
• «Тильзитский трамвай» под Калининградом приехал из Санкт-Петербурга