Տիգրան Կամոյի Դավթյան

Վիքիպեդիայում կան հոդվածներ Դավթյան ազգանունով այլ մարդկանց մասին։

Տիգրան Կամոյի Դավթյան (դեկտեմբերի 1, 1966(1966-12-01), Երևան, Հայկական ԽՍՀ, ԽՍՀՄ), իմունաբան, բիոքիմիկ, դեղագետ։ Կենսաբանական գիտությունների դոկտոր (2003)։

Տիգրան Կամոյի Դավթյան
Ծնվել է	դեկտեմբերի 1, 1966(1966-12-01) (57 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի բժշկական ինստիտուտ
Մասնագիտություն	բժիշկ
Գիտական աստիճան	կենսաբանական գիտությունների դոկտոր

Կենսագրություն

1988 թվականին ավարտել է Երևանի բժշկական ինստիտուտը։ 1995-2000 թվականներին եղել է «Հայք» մանկական կլինիկական հիվանդանոցի մանկական իմունաբանական կենտրոնի լաբորատոր բաժանմունքի վարիչը, 1998-2003 թվականներին՝ Համաճարակաբանության, վիրուսաբանության և բժշկական մակաբուծաբանության ինստիտուտի իմունաբանության լաբորատորիայի ավագ գիտաշխատող, 1998 թվականից, միաժամանակ՝ ՀՀ ԳԱԱ Կենսաքիմիայի ինստիտուտի նյարդահորմոնների կենսաքիմիայի լաբորատորիայի ավագ գիտաշխատող։ 1999 թվականից «Արմենիկում» հետազոտական կենտրոնի լաբորատոր բաժանմունքի գիտական ղեկավար։ «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ-ի «Որակի հսկման լաբորատորիայի» տնօրենն է։

Աշխատանքները վերաբերում են բջիջների կուլտուրայում իմունային ու հարմարվողական պատասխանի հարուցման և կարգավորման վրա կենսաբանորեն ակտիվ միացությունների ազդեցությանը։

Երկեր

• Изучение индукции иммунного ответа лимфоцитов периферической крови человека IN VITRO, Ереван 1993.
• Изучение индукции иммунного ответа лимфоцитов периферической крови человека IN VITRO, Ереван, 1993.
• Иммунный ответ культивируемых лимфоцитов и получение гибридом, продуцирующих человеческие моноклональные антитела, 1995 (համահեղինակ).
• Armenicum-эксперементальные и клинические исследования, СБ., вып. 2, Ереван, 2001 (համահեղինակ).
• Պոլիպոզ ռինոսինուսիտների բուժման կլինիկա-իմունոլոգիական առանձնահատկությունները, 2004։