Տան դուռը

«Տան դուռը», 2015 թվականին «Անտարես» հրատարակչության հրատարակած Հուսիկ Արայի բանաստեղծությունների, պոեմների և էսսեի ժողովածուն։ Խմբագիր՝ Հասմիկ Հակոբյան։

Տան դուռը
Գրքի շապիկը
Հեղինակ	Հուսիկ Արա
Ժանր	բանաստեղծություն, պոեմ, էսսե
Բնօրինակ լեզու	հայերեն
Էջեր	176
Խմբագիր	Հասմիկ Հակոբյան
Կազմի հեղինակ	Անի Գևորգյան
Երկիր	Հայաստան
Հրատարակման վայր	Երևան
Հրատարակիչ	Անտարես
Հրատարակման տարեթիվ	2015
ԳՄՍՀ	978-9939-51-791-9
ՀՏԴ	821.19-8
ԳՄԴ	84(5Հ)

Գրքի շնորհանդեսը տեղի է ունեցել 2015 թվականի նոյեմբերի 25-ին։

Հեղինակն իր գրքի մասին ասել է.- «Իմ սերունդը ձևավորվել է 1988-ին Ազատության հրապարակում, և ես մշտապես քաղաքացիական իմ դիրքորոշումն ունեմ թե´ որպես մարդ, թե´ որպես գրող։ Այս գրքում այն երևում է հատկապես «Նոր Հայաստան» շարքում՝ անհատի և երկրի բախման մեջ, երևում է նաև «Ազատության հրապարակը» շարքում. որ ազատությանն ու անկախությանը մենք կարծես դեռ պատրաստ չենք, դեռ «մեր վրայով չէ այդ հագուստը»… Սակայն անկախությունը միակ բանն է, որի համար պատրաստ եմ արյունս տալ։ Անկախությունը բարձր է ամեն ինչից։ Եվ ես փորձում եմ լինել ոչ միայն անկախության շրջանում ստեղծագործող, այլև անկախությունը ներկայացնող գրող»։

Գրքի հանձնարարականը

Ժողովածուն ամփոփում է Հուսիկ Արայի վերջին չորս տարվա չափածո ստեղծագործությունները։ Նորանկախ պետականության արժևորումն է, Նոր Հայաստանի շոշափվող իրականությունը, նաև հեղափոխության ու պատերազմի արանքում կորած սերնդի ողբերգությունն ու արժեքների անկումը։ Գրքում առանձին շարքերով ընդգրկված են նաև սիրային բանաստեղծություններ և սաղմոսներ։

Արտաքին հղումներ

• «Ես թույլ չեմ տալիս չոր լրագրությանը՝ մտնել պոեզիա». Հուսիկ Արա
• Հուսիկ Արան իր նոր ժողովածուով փորձել է ներկայացնել անկախության պոեզիան