Տանձենի Սոսնովսկու
| Տանձենի Սոսնովսկու | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| Pyrus Sosnovskyi
|
Տանձենի Սոսնովսկու (լատին․՝ Pyrus Sosnovskyi), վարդազգիների ընտանիքի, տանձենի ցեղի բույս։
Նկարագրություն խմբագրել
Տերևաթափ, փոքր ծառ է՝ 2-3 մ բարձրությամբ, կամ խոշոր թուփ է։ Սաղարթը կլորավուն է։ Բնի տրամագիծը հասնում է 5-10 սմ-ի։ Ճյուղերը և ընձյուղները կարճացած են, փշապատ, կարմրավուն կամ դարչնագույն կեղևով, ծածկված բաց մոխրավուն խավով և մանր ոսպնյակներով։ Տերևները մանր են, շեղանկյունաձև կամ էլիպսաձև, 2 հազվադեպ 3 սմ երկարությամբ, 1-1,5 սմ լայնությամբ, սրածայր կամ տափակ գագաթով, երկու կողմից էլ հավասարաչափ ձգված, սեպաձև հիմքով, մերկ և հարթ, կոշտ, վառ կանաչ, վերևի կողմից փայլուն, ներքևի կողմից՝ անփայլ, տերևի թիթեղի վրա միանգամից աչքի ընկնող, դուրս ցցված միջին ջիղով, մանր սղոցաեզր կամ ամբողջաեզր։
Տարածվածություն խմբագրել
Տերևակոթունները բարակ են, աղեղնաձև, երկարությամբ գրեթե տերևաթիթեղին հավասար։ Պտուղները մանր են, կանաչ։ Տիպիկ հայկական էնդեմ է, որը Հայաստանի սահմաններից դուրս չի հանդիպում։ Տարածված է Գառնի գետի ափերի գիհուտներում և Վայքում, Վարդենյաց լեռնանցքի մոտ։ Չափազանց յուրահատուկ ծառատեսակ է. մանր, բաց կանաչավուն տերևները ավելի շուտ նշենի են հիշեցնում, քան տանձենի։ Պահպանության և տարածման արժանի ծառատեսակ է[1]։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ (342)։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |