Վլադիմիր Հայրապետյան (գեներալ)
Անվան այլ կիրառումների համար տե՛ս՝ Վլադիմիր Հայրապետյան (այլ կիրառումներ)- Վիքիպեդիայում կան հոդվածներ Հայրապետյան ազգանունով այլ մարդկանց մասին։
Վլադիմիր Ասատուրի Հայրապետյան (հունիսի 25, 1942, Շիշկերտ), ռազմական գործիչ, ՀՀ բանակի գեներալ-մայոր (1994 թվականի մայիսի 28-ից)։
| Վլադիմիր Ասատուրի Հայրապետյան | |
|---|---|
| 1942, հունիսի 25 | |
| Ծննդավայր | գ․ Շիշկերտ, Սյունիքի մարզ |
| Զորատեսակ | հրետանային |
| Կոչում | գեներալ-մայոր |
| Պարգևներ |  |
Կենսագրություն խմբագրել
Ավարտել է Թբիլիսիի բարձրագույն հրետանային հրամանատարական ուսումնարանը (1964), Լենինգրադի Մ․ Կալինինի անվան հրետանային ակադեմիան (1972)։ 1972-1974 թվականներին՝ 51-րդ հրետանային դիվիզիայում դիվիզիոնի հրամանատար, 1974-1982 թվականներին՝ հեռավորարևելյան ռազմական օկրուգի հրետանային գնդի դիվիզիոնի հրամանատար, ապա՝ գնդի հրամանատար, 15-րդ բանակի կորպուսի շտաբի պետ։ 1982-1986 թվականներին՝ Հյուսիսկովկասյան ռազմական օկրուգում բանակային կորպուսի շտաբի պետ։ 1986-1990 թվականներին՝ ԽՍՀՄ զորքերի կենտրոնական խմբավորման բանակային կորպուսի շտաբի պետ, 1990-1992 թվականներին՝ Սիբիրի ռազմական օկրուգում բանակային կորպուսի հրթիռահրետանային զորքերի պետ, 1992 թվականին՝ ՀՀ զինված ուժերի հրետանու վարչության պետ։
2012 թվականին ՀՀ ԶՈՒ 20-ամյակի առթիվ պարգևատրվել է «Հայրենիքին մատուցած ծառայությունների համար» 1-ին աստիճանի մեդալով[1]։