Վիքիպեդիա:Վիքին սիրում է Երկիրը 2023

Վիքին սիրում է Երկիրը Հայաստանի և Արցախի լուսանկարչական մրցույթ

2014 թվականին Հայաստանն առաջին անգամ մասնակցեց Վիքին սիրում է Երկիրը միջազգային լուսանկարչական մրցույթին։ Մրցույթն անց է կացվում ամեն տարի մայիսին կամ հունիսին․ մրցույթին մասնակցել ցանկացողները լուսանկարում են բնության հուշարձաններ, բնապատկերներ և կենդանական աշխարհի ներկայացուցիչների և լուսանկարներն այդ ամսվա ընթացքում բեռնում Վիքիպահեստում։ Մրցույթի ավարտից հետո տեղի է ունենում մրցանակաբաշխություն։

Վիքիմեդիա Հայաստանը կրկին միացել է «Վիքին սիրում է Երկիրը» մրցույթին։ Հունիս ամսվա ընթացքում կարող եք բեռնել ՀՀ բնության հուշարձանների ցանկերում եղած ցանկացած օբյեկտի լուսանկար, մասնակցել մրցույթին և հաղթելու դեպքում ակնկալել մրցանակ։

ՀՀ բնության հուշարձանները 232-ն են։ Բեռնվող լուսանկարների քանակը սահմանափակ չէ, մեկ օբյեկտը կարելի է նկարել տարբեր դիրքից։ Լուսանկարները կարող են նախապես նկարված լինել, բայց մրցույթին մասնակցելու են միայն մայիս ամսին Վիքիպահեստ բեռնված լուսանկարները։

Հատուկ անվանակարգ

Վիքին սիրում է Երկիրը նախագիծը Վիքին մարդու իրավունքների 2023 թվականի արշավին աջակցելով, բնության պահպանությանը, բնության վրա մարդու ազդեցության մասին իրազեկելու նպատակով խրախուսում է հետևյալ թեմաներով լուսանկարների մասնակցությունը մրցույթին.

Գլոբալ տաքացում (եղանակի, ջրային ուղիների փոփոխություն, լանդշաֆտների կամ էկոհամակարգերի փոփոխություններ մարդածին ազդեցության պատճառով)
Կենսաբազմազանության կորուստ
Արդյունահանող արդյունաբերության կողմից բնության ոչնչացում և աղտոտում
Անհետացող լանդշաֆտներ, էկոհամակարգերի մասնատում
Մարդիկ, որոնց առողջության կամ բարեկեցության վրա բացասաբար են ազդել բնության ոչնչացումը կամ շրջակա միջավայրի փոփոխությունները (ՄԱԿ-ի առողջ շրջակա միջավայրի իրավունք)։

Այս հատուկ անվանակարգի լուսանկարները կօգնեն ընդգծել բնության պաշտպանության կարևորությունը և շրջակա միջավայրի վրա առկա մարդածին ազդեցությունը։

Մրցույթի կանոններ

Մենք փորձում ենք թափանցիկ մրցույթ կազմակերպել: Լուսանկարչական մրցույթին մասնակցելու համար մի քանի պարզ կանոն կա: Եկե՛ք ծանոթանանք դրանց:
Բոլոր լուսանկարները պետք է լինեն բնօրինակ, և բեռնվեն հեղինակների կողմից:
Բոլոր լուսանկարները պետք է վերբեռնվեն 2023 թվականի հունիսին։
Բոլոր լուսանկարները պետք է լինեն ազատ արտոնագրով (CC BY-SA 4.0)։
Մասնակիցները պետք է ունենան և գրանցվելուց մուտքագրեն գործող էլեկտրոնային փոստի հասցե։
Կարող եք օգտվել ՀՀ բնության հատուկ պահպանվող տարածքների ցուցակներից։ Կենդանական և բուսական աշխարհը պատկերող լուսանկարները նույնպես կմասնակցեն մրցույթին, եթե պատշաճ կերպով վերնագրվեն և նկարագրվեն։
Լուսանկարները պետք է պատշաճ վերնագիր և նկարագրություն ունենան։
Համոզվեք, որ տեսանելի ջրանիշներ չկան։
Բոլոր նկարները պետք է լինեն առնվազն 2 ՄՊ։

Մի քանի գործնական խորհուրդներ

Լուսանկար կարող եք վերբեռնել, եթե գրանցված եք և մուտք եք գործել Վիքիպահեստ։
Լուսանկարները պարտադիր վերնագրեք հասկանալի կերպով։
Ստորև ներկայացված ՀՀ բնության հատուկ պահպանվող տարածքների ցուցակներից գտեք ձեր լուսանկարած օբյեկտը։
Մի մոռացեք ձեր նկարին ավելացնել կատեգորիաներ։ Դա օգտակար կլինի բոլոր նրանց համար, ովքեր փնտրում են այն:
Կիսվեք ձեր լուսանկարներով սոցիալական մեդիայում մեր հեշթեգների միջոցով` #WLEArmenia #WLE2023.
Եվ համբերատար սպասեք արդյունքներին:

Մանրամասն քայլերն այստեղ

Հաջողություն բոլոր մասնակիցներին

Գտիր օբյեկտը ցուցակում Սկսիր բեռնել նկարները

Ինչպես մասնակցել

		Քայլ 1 Գտի՛ր Հայաստանի Հանրապետության կամ Արցախի բնության հուշարձանների ցանկերում այն հուշարձանները, որոնք ցանկանում ես լուսանկարել։
		Քայլ 2 Լուսանկարի՛ր հուշարձանները։ Կարող ես լուսանկարել շատ հուշարձաններ։ Կարող ես մեկ հուշարձանը լուսանկարել բազմիցս՝ տարբեր դիրքերից։
		Քայլ 3 Դասակարգի՛ր լուսանկարներն ըստ համարի։ Յուրաքանչյուր լուսանկար ունի իր համարանիշը, որը պետք է մուտքագրել պատկերը բեռնելիս։
		Քայլ 4 Գրանցվի՛ր commons.wikimedia.org (Վիքիպահեստ) կայքում և հունիսիի 1-30-ն ընկած ժամանակահատվածում բեռնի՛ր այնտեղ լուսանկարներդ՝ յուրաքանչյուր լուսանկարի դեպքում մուտքագրելով հուշարձանի համարը: