Վիքիպեդիա:Ուիքիճամբար 2015 Պէյրութ/Վայր

Պէյրութի ճամբարը տեղի պիտի ունենայ 3-12 օգոստոս 2015-ին Զմմառի «Հայր Շելհուպի տուն» կեդրոնին մէջ: Այն հայկական վանական համալիր է Լիբանանի մայրաքաղաք Պէյրութէն 30 քմ դէպի հիւսիս-արեւմուտք՝ Լիբանան լերան վրայ, ծովու մակերեւոյթէն 950 մեթր բարձր։ Քեսրվանի լանջին՝ Լիբանանի սուրբ լերան վրայ, երեք հայկական վանքերը եռանկիւն կը կազմեն. եռանկիւնի գագաթին Զմմառի վանաստանը, իսկ երկու ծայրերուն Քրէյմի եւ Պէյթ Խաշպոյի հայկական մենաստաններն են։ Հայոց երեք վանքերը՝ Քրէյմ, Զմմառ, Պէյթ Խաշպօ, մեկական կեդրոններ են, որոնցմէ միայն բարիք կը ճառագայթէ շրջակայքի բնակիչներուն վրայ՝ մեծապէս բարձրացնելով հայու վարկն ու համբաւը հայուն անտեղեակ այս վայրերուն մէջ։ Վանքն ունի եկեղեցի, ժառանգաւորաց վարժարան, վեհարան, աշտարակ, մատուռ, թանգարան, գրադարան եւ սրահ։ Հայ կաթոլիկ պատրիարքութեան կեդրոնն է։