Art+Feminism արշավը ամենամյա համաշխարհային խմբագրաթոն է, որի ընթացքում Վիքինախագիծ հանրագիտարանը համալրվում է կին ֆեմինիստ-արվեստագետների մասին հոդվածներով: Art+Feminism առաջին արշավը տեղի է ունեցել 2014 թվականին և կրում է շարունակական բնույթ։ Արշավը ներառում է Art+Feminism միջոցառումներ և edit-a-thon-ներ ամբողջ աշխարհում: Սովորաբար, այս միջոցառումները կենտրոնացած են Կանանց միջազգային օրվա (մարտի 8) շուրջ, սակայն Art+Feminism միջոցառումները կարող են տեղի ունենալ տարվա ընթացքում ցանկացած ժամանակ:
Արթ+Ֆեմինիզմ 2023 արշավը Արթ+Ֆեմինիզմ նախաձեռնության հետ համագործակցության շրջանակներում Հայերեն վիքիպեդիայում կմեկնարկի 2023 թվականի մարտի 7-ից մինչև 2023 թվականի ապրիլի 7-ը։
Արշավի շրջանակներում 2023 թվականի մարտի 4-ին ժամը 15:00-ին նախատեսվում է առցանց խմբագրաթոն, հանդիպում-քննարկում: Մասնակցության մանրամասների և Zoom հղման համար խնդրում եմ գրել arminehaghayan@gmail.com էլեկտրոնային հասցեին կամ լրացնել հարցումը։
Արշավի շրջանակներում 2023 թվականի մարտի 18-ին ժամը 15:00-ին կկայանա Zoom առցանց հանդիպում-քննարկում արվեստի քննադատ, տեղային և միջազգային ցացահանդեսների համադրող և ֆեմինիստ ուսումնագետ Սուսաննա Գյուլամիրյանի հետ՝ «Ֆեմինիստական, քվիր արվեստի մարտավարություններն ու մարտահրավերները» խորագրով։ Մասնակցության մանրամասների և Zoom հղման համար խնդրում եմ գրել arminehaghayan@gmail.com էլեկտրոնային հասցեին կամ լրացնել հարցումը։
Խնդրում ենք հետևել արշավի մի քանի պարզ կանոնների՝
Խմբագրաթոնի համար առաջարկվող հոդվածների ցանկը կարող եք տեսնել «Առաջարկվող ցանկ» բաժնում:
Մինչ սկսելը խնդրում ենք գրանցվել՝ ստորագրելով «Մասնակիցներ» բաժնում:
Առաջարկվող լեզվից հոդվածը թարգմանում ենք ամբողջությամբ։ Ավարտելուց հետո
հոդվածի քննարկման էջում տեղադրել նախագծի կաղապարը, որը կարող եք տեսնել «Օգնություն» բաժնում: Այստեղ է ներկայացված նաև մասնակցատուփը, որը ըստ ցանկության կարող եք տեղադրել Ձեր մասնակցային էջում: Կարևոր է՝ բացի նախագծի կաղապարից, ըստ ՀՎ գործող կանոնակարգի անհրաժեշտ է տեղադրել նաև {{ԹՀ}} կաղապարը՝ նշելով բոլոր այն վիքիները, որոնցից կատարվել է թարգմանությունը:
հոդվածի վերնագիրն ավելացնել «Նորաստեղծ հոդվածներ» բաժնում՝ Ձեր մասնակցային անվան տակ:
Շնորհակալություն համագործակցության համար: Մաղթում ենք հաճելի վիքիխմբագրումներ: