Վերա Ադլովա
Վերա Ադլովա (մինչև ամուսնությունը՝ Ստուդենա, չեխ․՝ Věra Adlová, հուլիսի 22, 1919[2][1], Պրահա, Չեխոսլովակիա[1] - հուլիսի 28, 1999[2][1], Պրահա, Չեխիա), չեխ գրող, լրագրող, թարգմանիչ։ Մանկական գրքերի հեղինակ է։ Գրող և նկարիչ Զդենեկ Ադլայի կինն է։
Վերա Ադլովա Věra Adlová | |
|---|---|
| Ծննդյան անուն | չեխ․՝ Věra Studená[1] |
| Ծնվել է | հուլիսի 22, 1919[2][1] |
| Ծննդավայր | Պրահա, Չեխոսլովակիա[1] |
| Վախճանվել է | հուլիսի 28, 1999[2][1] (80 տարեկան) |
| Վախճանի վայր | Պրահա, Չեխիա |
| Մասնագիտություն | գրող, թարգմանչուհի և լրագրող |
| Լեզու | չեխերեն |
| Քաղաքացիություն |  Չեխոսլովակիա |
| Կրթություն | Պրահայի Կարլի համալսարան |
| Ամուսին | Զդենեկ Ադլա |
Կենսագրություն խմբագրել
Ծնվել է նկարիչ-վերականգնողի ընտանիքում։ Պրահայում դպրոցն ավարտելուց հետո (1938) Կարլովի համալսարանի արվեստի ֆակուլտետում ուսումնասիրել է լատիներեն, հունարեն և բանասիրություն։
Գերմանական զավթիչների կողմից համալսարանը փակելուց հետո աշխատել է Պրահայի արխիվում։ Համալսարանն ավարտել է 1948 թվականին։ Այդ թվականին էլ միացել է Սոկոլյան շարժմանը, եղել է մասնագիտացված ամսագրի խմբագիրը։
1949 թվականին ամուսնացել է գրող և նկարիչ Զդենեկ Ադլայի հետ, որի հետ աշխատել է մի քանի գրքերի վրա։
1949—1952 թվականներին եղել է «Svět sovětů» («Խորհրդային աշխարհ») ամսագրի խմբագիր։ 1952-1955 թվականներին ամուսնու հետ բնակվել է ԽՍՀՄ-ում, որտեղ աշխատել է Մոսկվայի ռադիոյի չեխական բաժնում։ Վերադարձից հետո որպես խմբագիր աշխատել է «Melantrich» հրատարակչությունում, իսկ 1958 թվականից եղել է Քաղաքական գրականության պետական հրատարակչության խմբագիր։
1960 թվականից եղել է Մանկական գրականության պետական հրատարակչության խմբագիր, 1972—1975 թվականներին՝ գլխավոր խմբագիր։ 1980-ական թվականներին աշխատել է որպես Չեխոսլովակիայի գրողների միության ներքին կապերի քարտուղար։
Ստեղծագործություններ խմբագրել
1950-ական թվականների կեսերին «Խորհուրդների աշխարհ», «Գույն», «Ոսկե մայիս», «Ժողովուրդ» ամսագրերում հրատարակել է երեխաների և պատանիների համար հոդվածներ, ակնարկներ, արձակ ստեղծագործություններ, 1970—1980-ական թվականներին տպագրվել է «Գրական ամսագրում»։
Ընտրյալ մատենագրություն խմբագրել
- Vestonie (1946);
- Život, který jsme milovali (1948);
- Kouzelná skříňka (1960);
- Na shledanou, Mořský vlku (1960);
- Krásná a slavná (1961);
- Honička nad Prahou (1962);
- O zmrzlé elektřině (1963);
- Mirka to ví nejlíp (1964);
- Blues pro Alexandru (1966);
- Výprodej spravedlivých (1966);
- O dívčí literatuře (1972);
- Jarní symfonie (1973);
- Vyprávění o veliké zemi (1974);
- Dětství a fantazie (1974);
- Pohádky pro Kačenku (19750);
- Růže z Flander (1976);
- Říkáte, abych věřil? (1979);
- Jenny (1980);
- Proměny lásky (1980);
- Vojta a medvěd Petr (1982);
- Trpká vůně podzimu (1983);
- Má drahá… (1989);
- Safari styl (1995) և այլն։
Կատարել է թարգմանություններ լատիներենից և ռուսերենից։