Բացել գլխավոր ցանկը
HS Disambig.svg Անվան այլ կիրառումների համար տե՛ս՝ Սևան (այլ կիրառումներ)

Սևանի Հիդրոէլեկտրակայան, Սևան-Հրազդան կասկադի առաջին հիդրոէլեկտրակայանը։ Շահագործման է հանձնվել 1949-ին։ Կայանի ջրընդունիչ կառույցները, տուրբինային ջրտարն ու կայանային շենքը տեղավորված են Հրագդան գետի ակունքում, Սևան լճի մերձափնյա լեռնային զանգվածում, լճի մակերևույթից 100 մ խորության վրա։ Կայանային շենքի մեքենայական սրահում (նկ.) տեղադրված են 34,2 ՄՎտ ընդհանուր հզորությամբ, 60 մ հաշվարկային ճնշումով, 70 մ3/վրկ ջրի ծախսով գործող երկու շառավղաառանցքային տուրբաագրեգատներ, ջրթողներում՝ երկուական գնդային և ասեղնային փակաղակներ։ ՀԷԿ-ի ստորին բիեֆում տուրբինների բլոկին հարադրված է կողմնատար խուցը, որից սկիզբ է առնում 5,5 կմ երկարությամբ անճնշումային թունելը։ Վերջինիս հաջորդում է կասկադի երկրորդ աստիճանի՝ Հրազդանի հիդրոէլեկտրակայանի առբերվող ջրանցքը։ Սևանի ՀԷԿի հիդրոագրեգատներն ավտոմատացված են, գործում են առանց մշտական հերթապահ անձնակազմի։ Ետպատերազմյան հնգամյակի վերականգնեցված և նոր կառուցված հիդրավլիկական հզորություններից է։ ԽՍՀՄ-ում առաջին ստորգետնյա հիդրոէլեկտրակայաններից մեկն էր։

Սևանի ջրաէլեկտրակայան
Sevan HPP 12.JPG
Տեսակջրաէլեկտրակայան
ԵրկիրFlag of Armenia.svg Հայաստան
Մասն էՍևան-Հրազդան կասկադ
Ամբարտակ և ջրհեռ
ImpoundsՀրազդան
Էլեկտրակայան
Տեղադրված հզորություն34,2 մեգավատտ
Կոորդինատներ: 40°33′16.992000100012″ հս․ լ. 44°57′55.501200100008″ ավ. ե. / 40.55472000002777833° հս․. լ. 44.96541700002777731° ավ. ե. / 40.55472000002777833; 44.96541700002777731
Սևանի ջրաէլեկտրակայանը գտնվում է Հայաստանում
Սևանի ջրաէլեկտրակայան
Սևանի հիդրոէլեկտրակայանի ստորգետնյա մեքենայական սրահը
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png