Սպիտակաձյունիկ 2։ Եվ ապրեցին նրանք երջանիկ

Սպիտակաձյունիկ 2։ Եվ ապրեցին նրանք երջանիկ (անգլ.՝ Happily Ever Afte), լիամետրաժ անիմացիոն ֆիլմ, որը ստեղծվել է 1988 թվականին «Filmation» ընկերության կողմից, կինոթատրոններում է հայտնվել հինգ տարի անց: Պատմությունը հանդիսանում է «Սպիտակաձյունիկ» հեքիաթի ոչ պաշտոնական շարունակությունը: Սպիտակաձյունիկի և արքայազնի սիրո հետ միասին ֆիլմում բոլոր կերպարները յուրահատուկ են:

Picto infobox cinema.png
Սպիտակաձյունիկ 2։ Եվ ապրեցին նրանք երջանիկ
անգլ.՝ Happily Ever After
Տեսակլիամետրաժ մուլտֆիլմ
Ժանրերաժշտական ֆիլմ և ֆենթեզի ֆիլմ
ՌեժիսորJohn Howley?
ՍցենարիստMartha Moran? և Robby London?
ՀնչյունավորումԱյրին Կարա, Էդ Ասներ, Carol Channing?, Դոմ Դելուիզ, Phyllis Diller?, Michael Horton?, Ժա Ժա Գաբոր, Linda Gary?, Jonathan Harris?, Sally Kellerman?, Մալքոլմ Մակդաուել, Թրեյսի Ուլման և Ֆրենկ Ուելկեր
ՊրոդյուսերLou Scheimer?
ԵրաժշտությունFrank Becker?
ԽմբագիրJoe Gall?, Rick Gehr? և Jeffrey C. Patch?
ԵրկիրFlag of the United States.svg ԱՄՆ
Լեզուանգլերեն
ԸնկերությունFilmation?
ԴիստրիբյուտորՆեթֆլիքս
Տևողություն75 րոպե
ՊրիկվելՍպիտակաձյունիկը և յոթ թզուկները
Թվականհունիսի 20, 1990 և մայիսի 28, 1993[1]
Շահույթ3 299 382 $[2]

Սկզբում ընկերությունը պլան է մշակել ստեղծել direct-to-video սերիաների սիքվելները հայտնի դիսնեյի նկարների վրա, սակայն միայն այս ֆիլմը և «Պինոկիոն և Խավարի կայսրն» ավարտվել էին:

Պատկերը հայտնվեց նույն ամռանը, երբ «Սպիտակաձյունիկը և յոթ թզուկները» մուլտֆիլմի ցուցադրությունը սկսվեց[3]: Հետագայում 20th Century Fox-ը ձեռք բերեց իրավունք այս ֆիլմի, ինչպես նաև «Պինոկիոն և խավարի կայսրն» և շատ այլ ֆիլմերի համար:

ՍյուժեԽմբագրել

Դաժան խորթ մոր՝ թագուհու մահից հետո, Սպիտակաձյունիկը ապրում էր արքայազնի հետ առանց որևէ վտանգների, բայց նրա երջանկությունը կարծես թե ավարտվելու է: Թագուհու չար եղբայրը՝ լորդ Մալիսը, ժամանում է թագավորություն, որտեղ սիրով և համերաշխությամբ ապրում է արքայադուստրը իր սիրեցյալի հետ: Մալիսի նպատակն էր վրեժ լուծել քրոջ մահվան համար, քանի որ նա վստահ էր, որ քույրը մահացել է Սպիտակաձյունիկի և նրա փեսացուի պատճառով: Պարբերաբար փորձելով ստանալ Սպիտակաձյունիկին, Մալիսը օգտագործում է իր կախարդությունը, հարձակվում է արքայազնի վրա, իսկ Սպիտակաձյունիկը գնում է յոթ թզուկների տնակ, որտեղ նրան նախկինում օգնել էին: Հասնելով նրանց տնակ նա բացահայտում է, որ թզուկները տեղափոխվել են նոր հանքավայր, և ծանոթանում է նրանց զարմուհի թզուկների հետ: Նա իմանում է, որ նրանցից յուրաքանչյուրը համապատասխանում է բնության որոշակի ուժին, ինչպես նաև Սպիտակաձյունիկը տեսնում է ամենակրտսեր շանթարձակ թզուկին, որն առայժմ չի կարողանում կառավարել իր ուժերը, և հաճախ սխալներ է գործում: Զարմուհի թզուկները խորհուրդ են տալիս դիմել Մայր բնությանը և նրանից խորհուրդ խնդրել: Նրանք միասին գնում են Մայր բնության մոտ, իսկ նրանց շարժմանը հետևում են բուն և թռչող մուկը, որոնց նպատակն էր նրանց վնաս հասցնել: Բայց այստեղ է գալիս Մալիսը, տեղեկացնելով, որ արքայազնն իր մոտ գերի է: Սպիտակաձյունիկը որոշում է գնալ նրա մոտ՝ ամրոց: Ճակատագրի բերումով Սպիտակաձյունիկը և նրա ուղեկցորդուհիները դուրս են գալիս շքեղ, հազարավոր բույսերի բուրմուքով, առավոտյան թարմությամբ առկայծող, դեպի երևակայությունը ցնցող մարգագետին: Նրանք անցնում են այդ մարգագետինը և գնում առաջ: Մայր բնությունը կանխատեսում է վտանգավոր ճանապարհ և թզուկներին ուղղարկում է նրա հետ: Իր նոր ընկերների հետ միասին նա փորձում է գտնել արքայազնին, և պաշտպանել Մալիսից: Ճանապարին նրանց սպասվում է բազմաթիվ վտանգներ, իսկ ճանապարհին նրանց օգնում է «մռայլ մարդուկը», որը թաքցնում էր իր դեմքը:

Սպիտակաձյունիկը համակրանք է զգում նրա նկատմամբ, բայց նա փախչում է: Դրանից հետո Սպիտակաձյունիկին առևանգում են և նա ուշքի է գալիս ամրոցում: Նա այնտեղ հանդիպում է իր արքայազնին, և վերջինս ոչինչ չբացատրելով նրան տանում է գաղտնի մուտքով, այդ ընթացքում թզուկները հասնում են ամրոց: Ի վերջո նրանք հայտնվում են գլխավոր դահլիճում և գտնում են գաղտնի մուտքը:

Նրան, ում Սպիտակաձյունիկը ընդունել էր որպես արքայազն, իրականում Մալիսն էր, իսկ նա վախեցած նայելով շուրջբոլորը բացահայտում է, որ գտնվում է ամրոցի տանիքի արձանների պատկերասրահում: Հասկանալով, որ ոճրագործը իր վերարկույի օգնությամբ մտադիր է նրան դարձնել արձան, Սպիտակաձյունիկը փորձում է փախչել, նրան քաջաբար պաշտպանում է «մարդուկը», սակայն կախարդը վառում է նրան իր հայացքով: Այստեղ են հասնում թզուկները, բայց առաջացած ծեծկռտուքի մեջ նրանք պարտություն են կրում, և վերածվում են քարի, սակայն Մալիսը չի նկատում թաքնված շանթարձակին, որը բռունցքի մեջ ուժ հավաքելով ընդունում է միակ ճիշտ որոշումը և կայծակով հարձակվում է սրիկայի վրա, որը հնարավորություն է տալիս Սպիտակաձյունիկին նրան ծածկել իր սեփական վերարկույով: Այսպիսով նա հավերժ վերածվում է վիշապի մարմնով և մարդկային գլխով քարե հրեշի: Թզուկները վերակենդանանում են, ամենուր տիրում է համընդհանուր ուրախություն և հայտնվում է Մայր բնությունը: Սակայն Սպիտակաձյունիկը դառը լալիս է իր պաշտպանի համար: Մայր բնությունը նրա արցունքներին Աստվածային ուժ է տալիս, և «մարդուկը» հարություն է առնում: Պարզվում է նա արքայազնն է, որը կյանքի գնով փրկեց իր սիրեցյալին: Շանթարձակը դարձավ հերոսուհի, առջևում հարսանիքն է, իսկ թագավորությունում կրկին խաղաղություն և ներդաշնակություն էր տիրում:

ՀերոսներԽմբագրել

  • Սպիտակաձյունիկ (անգլ.՝ Snow White), մուլտֆիլմի գլխավոր հերոսուհին: Չար թագուհու մահից հետո նա ոչ մի բանի մասին չէր անհանգստանում, նա չէր էլ կարող պատկերացնել, որ իր երջանկությունը կարճ կտևի, և նրան կբաժանեն իր սիրելիից: Իր սիրեցյալին փրկելու համար աղջիկը ստիպված էր առանց իր թզուկ ընկերների հաղթահարել բազմաթիվ վտանգներ, որոնք հայտնվել էին նրաճանապարհին: Աղջիկը քիչ էր մնում լորդ Մալիսի զոհը դառնալ
  • Արքայազն (անգլ.՝ The Prince), առևանգվել է լորդ մալիսի կողմից, և վերածվել «մութ մարդուկի», որին չգիտես ինչու սկզբում թզուկները ընդունել էին, որպես չարագործի ծառա, բայց իրականում դա այդպես չէր մարդուկը նաև օգնում էր Սպիտակաձյունիկին և նրա ընկերներին հաղթահարել ճանապարհի վտանգները: Ֆիլմի վերջում նա կախարդվեց:
  • Յոթ թզուկներ (անգլ.՝ The Seven Dwarfelles), յոթ թզուկների զարմուհիները: Ողջ պատմության ընթացքում նրանք օգնել են Սպիտակաձյունիկին արքայազնի որոնման ժամանակ:
    • Փնթի (անգլ.՝ Muddy), շատ է սիրում լողալ ցեխի մեջ, որը նյարդայնացնում է Լուսատտիկին, ինչի պատճառով երկուսն էլ հաճախ վիճում էին: Բնավորությամբ նա նման էր Գիտունիկին:
    • Լուսատտիկ (անգլ.՝ Sunburn), պատասխանատու է արևի լույսի համար և ոչ միայն: Տարբերվում է ոչ միայն տաքարյունությամբ, այլ նաև ինքնասիրությամբ: Հաճախ վիճաբանում է Փնթիի հետ, իսկ երբեմն իր դժգոհությունն է հայտնում Շանթարձակին: երբ Լուսատտիկին շուրջն ամեն ինչ նյարդայնացնում է նա հաճախ բացականչում է «Ես ամբողջությամբ զայրույթից այրվում եմ»: Բնավորությամբ նման է Փնթփնթանին:
    • Ծաղկիկ (անգլ.՝ Blossom), պատասխանատու է բուսական աշխարհի համար:
    • Ջրային (անգլ.՝ Marina), հետևում է լճերի և գետերի մաքրության համար: Կարող է երկար ժամանակ գտնվել ջրի տակ:
    • Գազանիկ (անգլ.՝ Critterina), պատասխանատու է կենդանական աշխարհի համար: Կարող է հասկանալ գազանների լեզուն:
    • Լուսնյակ (անգլ.՝ Moonbeam), ակտիվ է գիշերը: Իսկ ցերեկը ինքն իրեն նման չէ (անընդհատ քնում է): Բնավորությամբ նման է Քնկոտին:
    • Շանթարձակ (անգլ.՝ Thunderella), յոթ թզուկներից կրտսերը, որը տիրապետում է առավել հզոր ուժի՝ կարողանում է կառավարել եղանակը (կայծակներով): Սկզբում նա չէր կարողանում կառավարել իր ուժը, բայց վերջում կարողացավ հաղթահարել իր վախը, և դրսևորել իրեն որպես անձնվեր հերոսուհի. փրկեց Սպիտակաձյունիկին և օգնեց նրան հաղթել լորդ Չարագործին:
  • Լորդ Մալիս (անգլ.՝ The Lord Maliss), մուլտֆիլմի գլխավոր հակառակորդը, չար թագուհու եղբայրը: Ունի հզոր կախարդական ուժ (որպեսզի կարողանա ավելի արագ հասնել համապատասխան վայր չարագործը վերածվում է վիշապի): Իմանալով այն մասին, որ քույրը մահացել է և որոշելով, որ նրա մահվան մեջ մեղավոր են Սպիտակաձյունիկը ու արքայազնը նա որոշում է վրեժ լուծել: Առևանգելով պատանուն նա կախարդում է նրան, իսկ ավելին ուշ առևանգում է նաև Սպիտակաձյունիկին: Վերածվելով արքայազնի նմանակի, սրիկան խաբեությամբ աղջկան բերում է ամրոցի տանիք և փորձում դարձնել արձան: Ֆիլմի վերջում պարտվում է և վերածվում քարե արձանի:
  • Մայր բնություն (անգլ.՝ The Mother Nature), Երկրի վրա մարմնավորում է բնության ուժերը, ամեն մի թզուկի արարման նպատակով հատկացրել է բնության որոշակի ուժ: Բացահայտելով նրանց սխալները նա քիչ էր մնում զրկեր նրանց այդ ուժերից, եթե չլիներ Սպիտակաձյունիկի միջամտությունը, որը փորձում էր համոզել Մայր բնությանը, որ մեզանից ոչ ոք կատարյալ չէ: Այդ ժամանակ նա թզուկներին տվեց ևս մեկ հնարավորություն, ցույց տալ իրենց կարողությունները և արդյունքները արդարացրեցին իր սպասելիքները: Հենց Մայր բնությունը օգնեց Սպիտակաձյունիկին գտնել և փրկել իր սիրեցյալին հուշելով նրան ճակատագրի թագավորության ճանապարհը:
  • Կախարդական հայելի (անգլ.՝ The Looking Glass), անսովոր հայելի, որը ցույց էր տալիս գործերի դրությունը, թագուհու մահից հետո անցել է նրա եղբորը՝ լոր Մալիսին: Հայելու օգնությամբ ոճրագործը հետևում էր Սպիտակաձյունիկին և փնտրում լավ միջոց նրա հետ հաշվեհարդար տեսնելու համար: Հրաժարվելով նոր տիրոջը ծառայություններ մատուցել, հայելին քիչ էր մնում վերածվեր բեկորների:
  • Արևածաղիկ (անգլ.՝ The Sunflower), խոսող ծաղիկ, Մայր բնության այգիների բնակիչ: Հետևում է իր կատարած փորձերին:
  • Հրեշներ (անգլ.՝ The Monsters), սյուժեում խաղում են միայն փոքր դեր: Բնակություն են հաստատել դատարկ ամրոցում, այնտեղ կազմակերպելով խրախճանքներ և գինարբուկներ: Երբ թզուկները ներխուժեցին այնտեղ փորձեցին կանգնեցնել նրանց, սակայն պարտվեցին: Ի վերջո Սպիտակաձյունիկին վախեցնելու համար բոլորը վերածվեցին քարե արձանների:

Հետաքրքիր փաստերԽմբագրել

Մուլտֆիլմը զգալիորեն տարբերվում է առաջին մասից: Դա պայմանավորված էր նրանով, որ «The Walt Disney» ընկերությունը դժգոհ էր «Filmation»-ի նախորդ «Պինոկիոն և Խավարի կայսրը» մուլտֆիլմի աշխատանքից, որը ստեղծվել էր որպես սիքվել «Պինոկիո» մուլտֆիլմի համար: Այս ամենից հետո «Filmation»-ը ստիպված էր խոստանալ «Disney»-ին, որ առաջին մուլտֆիլմում գտնվող բոլոր իրերն ու կերպարները այստեղ այլ կերպ են լինելու։ Վերջնական տարբերակում նույնիսկ փոխվեց մուլտֆիլմի բնօրինակ անունը՝ «Snow White in the Land of Doom»:

  • Սպիտակաձյունիկը ուներ երկար մազեր (չնայած նրանք կարող էին աճել):
  • Արքայազնը կարմիր մազերով է և կրում է այլ կոստյում (և ի՞նչ, միթե նա ունի միայն մեկ կոստյում)։
  • Ամրոցը ավելի մռայլ է և բնակեցված է տարբեր հրեշներով:
  • Հայելին զգալիորեն տարբերվում է առաջինից (որտեղ այն ներկայացված է դիմակի տեսքով):

ԴերերումԽմբագրել

Տես նաևԽմբագրել

ԾանոթագրություններԽմբագրել