Թուրքիայի գիտությունների ակադեմիա

Թուրքիայի գիտությունների ակադեմիա (թուրքերեն՝ Türkiye Bilimler Akademisi, TÜBA), ինքնավար գիտական ընկերակցություն, որի նպատակն է Թուրքիայում խթանել գիտական գործունեությունը։ Չնայած համարվում է վարչապետին կից մարմին և ֆինանսավորվում է կառավարության կողմից, պահպանում է ֆինանսական և վարչական ինքնավարություն։ 

Թուրքիայի գիտությունների ակադեմիա
Изображение логотипа
Տեսակգիտությունների ակադեմիա
Երկիր Թուրքիա
ՀապավումTÜBA[1]
Հիմնադրված1993[2]
Կայքtuba.gov.tr

Պատմություն խմբագրել

Ակադեմիան հիմնադրվել է 1993 թվականի սեպտեմբերին։ Ակադեմիայի գլխամասային գրասենյակը գտնվում է Անկարայում։ Ի լրումն ականավոր գիտնականներին մրցանակներ և կրթաթոշակներ շնորհելուն, ակադեմիան նաև պատասխանատու է որոշելու գիտական գերակա ոլորտները և կառավարությանն առաջարկելու օրենսդրական անհրաժեշտ փոփոխություններ, ֆինանսավորել երիտասարդ գիտնականների ծրագրերը, թուրքերեն լեզվով բուհական դասագրքեր թարգմանել և տպագրել։ Ակտուալ հետազոտական ծրագրերը փաստացի իրականացնում և կառավարում է Թուրքիայի գիտատեխնոլոգիական հետազոտական խորհուրդը (TUBITAK):

2010 թվականի փետրվարին ակադեմիայի անդամներ են ընտրվել 135 անձ (19 կին և 116 տղամարդ), որոնցից 83-ը՝ իսկական անդամ, 37-ը՝ պատվավոր, 15-ը՝ փոխկապակցված։ Ակադեմիայի 79 անդամներ տեխնիկական գիտությունների բնագավառի գիտնականներ են, 32-ը՝ բժշկական, 24-ը՝ հումանիտար։ Ավանդաբար ակադեմիան ընտրում էր իր երկու անդամներին, սակայն 2011 թվականի նոյեմբերից ակադեմիայի անդամների մեկ երրորդը նշանակվում է Թուրքիայի գիտատեխնոլոգիական հետազոտական խորհրդի կողմից[3]։ Ակադեմիայի մնացած անդամները ընտրվում են ակադեմիկների կողմից, որի արդյունքում ակադեմիայի գործող 70 անդամներ հրաժարական են տվել և հիմնադրել մեկ այլ ըկերակցություն[4]։

Ծանոթագրություններ խմբագրել

  1. https://council.science/members/online-directory/
  2. ROR Data — v1.19 — 2023. — doi:10.5281/ZENODO.7644942
  3. Ergin, Sedat (2011 թ․ նոյեմբերի 8). «TÜBA'da son perde». Hürriyet.
  4. «TÜBA'dan istifa edenler BAD'ı kurdu». CNN Turk. 2011 թ․ դեկտեմբերի 14. Արխիվացված է օրիգինալից 2019 թ․ մարտի 2-ին. Վերցված է 2017 թ․ ապրիլի 4-ին.

Արտաքին հղումներ խմբագրել