Խորթ մայրը (ֆիլմ, 1973)

Խորթ մայրը (ռուս.՝ Мачеха), 1973 թվականին նկարահանված խորհրդային գեղարվեստական ֆիլմ, ընտանեկան դրամա` ըստ Մարիա Խալֆինայի համանուն պատմվածքի։

Խորթ մայրը ռուս.՝ Мачеха
Երկիր	ԽՍՀՄ
Ժանր	դրամա և մելոդրամա
Թվական	1973
Լեզու	ռուսերեն
Ռեժիսոր	Օլեգ Բոնդարյով
Սցենարի հեղինակ	Մարիա Խալֆինա
Դերակատարներ	Տատյանա Դորոնինա և Լեոնիդ Նևեդոմսկի
Օպերատոր	Իգոր Չեռնիխ
Երաժշտություն	Գրիգորի Պոնոմարենկո
Կինոընկերություն	Մոսֆիլմ
Տևողություն	84 րոպե

Ֆիլմում Տատյանա Դորոնինան խաղացել է կինոյում իր ամենահայտնի դերերից մեկը: Ֆիլմը մեծ հաջողություն է ունեցել վարձույթում, իսկ Դորոնինան «Սովետսկի էկրան հանդեսի» ամսագրի հարցման արդյունքում ճանաչվել է «Տարվա դերասանուհի», ինչպես նաև` մրցանակի է արժանացել Թեհրանի կինոփառատոնում:

Ֆիլմը մտնում է խորհրդային վարձույթի առաջատար 20 ֆիլմերի մեջ․ այն դիտել են 59 միլիոն 400 հազար մարդ։

Ճանաչվել է 1973 թվականի լավագույն ֆիլմ` ըստ «Սովետսկի էկրան» ամսագրի:

Սյուժե

Շուրան ապրում էր իր սիրելի ամուսնու՝ Պավելի հետ սովխոզում։ Նրա կյանքում ամեն ինչ լավ է․ ամուսինը կոմբայնավար է, կարևոր աշխատող, նա ունի երկու առողջ երեխա (որդի և աղջիկ), ընտանիքին նոր բնակարան է տրամադրվել, նա տանն անդադար աշխատում է, և այս աշխատանքը նրան ուրախություն է պատճառում։ Իսկ կարևորն այն է, որ Շուրան ունի բարի ու սիրող սիրտ, որը նրան օգնում է երջանիկ լինել։

Եվ ահա անսպասելի լուր է գալիս․ հեռավոր հյուսիսային ավանում մահացել է մի կին, ում հետ մի ժամանակ կապ է ունեցել Պավելը։ Նրանք վաղուց բաժանվել էր, Շուրան ոչինչ չգիտեր դրա մասին, իսկ հենց ինքը՝ Պավելը գաղափար չուներ, որ իի դուստրը` Սվետան, արդեն ութ տարեկան է։

Հիմա պետք էր որոշել` ինչ անել երեխայի հետ։ Պավելը բարի և կարգին մարդ էր, առանց երկմտելու նա ասում է, որ ընդունում է իր դստերը և կփորձի հոգ տանել նրա համար, նույնիսկ եթե ընտանիքն այդ հարցում իրեն չաջակցի: Նա բոլորովին չէր կասկածում, որ երեխան իրենն է, և ուղիղ ասում է, որ ինքը շատ էր սիրում այդ կնոջը և ցանկանում էր ամուսնանալ նրա հետ՝ դեռ չիմանալով, որ երեխան պետք է ծնվի, բայց կինն ինքը չէր ցանկացել ամուսնանալ նրա հետ:

Շուրան հաղթահարում է վիրավորանքի զգացմունքը և որոշում է, որ աղջիկը պետք է ապրի իրենց հետ։ Նրանք միասին գնում են Սվետայի հետևից։ Աղջիկը նոր էր կորցրել մորը, մտահոգ և վախեցած էր իր ճակատագրի համար։ Նա հրաժարվում է հանկարծակի հայտնված հոր հետ խոսելուց, և առավել ևս կնոջ հետ, որը լինելու էր իր խորթ մայրը։

Շուրայի տանը հիմա ամեն ինչ շեղվել է․ նա ստիպված էր մոռանալ նոր բնակարանը գեղեցիկ կահավորելու վաղուց նվիրական ծրագրերի մասին: Շուրայի մայրը համառ և սահմանափակ կին էր, զայրացած էր այդ աղջկա վրա և չէր ցանկանում լսել որևէ նոր երեխայի մասին: Փոքր տղան անընդհատ ձեռք էր առնում իր նոր քրոջը, հարևանները ծիծաղով են նայում, Պավելը, որն ինքն էր նախաձեռնել որդեգրումը, մռայլ լռում է, չի կարողանում նորահայտ դստերը նույնիսկ մի փոքր խնամք և ուշադրություն ցույց տալ, Սվետան դեռևս մերժում է շփումն ու չի պատասխանում:

Սակայն Շուրան, չնայած ամեն ինչին, հավատում է, որ սերը և հոգատարությունը, որոնք օգնել են նրան ամբողջ կյանքում, կօգնեն նաև հաղթահարել այս մի ոչ սովորական իրավիճակը։ Անցնում է մի քանի ամիս, և Սվետան սկսում է հարազատորեն ընդունել իր նոր ընտանիքը, և վերջապես առաջին անգամ դիմում է Շուրային` «մայրիկ» ասելով։

Ֆիլմում ներկայացված են «Մայրական սիրտը» երգը` Վիկտոր Բոկովի բառերով և Օլգա Վորոնեցի կատարմամբ և «Օ, կապույտ երկինքը փակեց մառախուղը ...» երգերը` Տատյանա Դորոնինայի կատարմամբ:

Դերերում

• Տատյանա Դորոնինա` Շուրա (Ալեքսանդրա Նիկոլաևնա) Օլեվանցևա
• Լեոնիդ Նեվեդոմսկի` Պավել Եգորովիչ, Շուրայի ամուսինը
• Լենա Կոստերևա` Սվետա, Պավելի դուստրը, Շուրայի խորթ դուստրը
• Սաշա Դալյոկի` Յուրկա, Պավելի և Շուրայի որդին
• Իրա Խլոպկովա` Ալյոնկա, Պավելի և Շուրայի դուստրը
• Նադեժդա Ֆեդոսովա` Շուրայի մայրը
• Թամարա Սովչի` Պոլինա, Շուրայի ընկերը
• Վլադիմիր Սամոյլով` Վիկտոր Վիկենտիևիչ, պետական ​​ֆերմայի տնօրեն
• Բորիս Յուրչենկո` գյուղի բնակիչ
• Վերա Կուզնեցովա` Եկատերինա Ալեքսեևնա, Շուրայի ուսուցիչ
• Վիկտոր Շուլգին` Մելնիկով Նիկոլայ
• Լիդիա Կորոլյովա` դրվագային
• Նատալիա Շվեց` Լյուդմիլա Յակովլևնա, Սվետայի ուսուցչուհին

Նկարահանող խումբ

• Սցենարի հեղինակ՝ Մարիա Հալֆինա, Սերգեյ Սմիրնով
• Ռեժիսոր՝ Օլեգ Բոնդարև
• Օպերատոր՝ Իգոր Չեռնիկ
• Նկարիչ՝ Ն. Ուսաչև, Ս. Պորտնոյ
• Կոմպոզիտո՝ Գրիգորի Պոնոմարենկո

Նկարահանման վայր

Ֆիլմը նկարահանվել է Զարուդնյա գյուղում, Մոսկվայի մարզի Կոլոմենսկի քաղաքային շրջան։

Արտաքին հղումներ

• "Мачеха": что стало с киношными детьми Татьяны Дорониной?
• «Խորթ մայրը (ֆիլմ, 1973)»(անգլ.) ֆիլմը Internet Movie Database կայքում
• Sergey Kudryavtsev's Review