|
[[Պատկեր:J G Trautmann Das brennende Troja.jpg|մինի|Տրոյայի անկումը (Յոհան Տրաուտմանի նկարը)]]
'''Տրոյական պատերազմ''', հունական ավանդության համաձայն, Միկենեի թագավոր [[Ագամեմնոն]]ի գլխավորած աքքայական թագավորների դաշնակցության պատերազմը [[Տրոյա]]յի դեմ։ Հունական ավանդության հաղորդումները հաստատվել են Տրոյայի պեղումներով, մ. թ. ա. մոտ XIII դ․ կեսին քաղաքը ենթարկվել է երկարատև պաշարման և ավերվել (մ. թ. ա. մոտ 1260-ին)։
Ավանդությունների համաձայն, որոնց մի մասն արտացոլված են «[[Իլիական]]» և «[[Ոդիսական]]» [[պոեմ]]ներում, պատերազմի առիթը Տրոյայի [[Պրիամոս]] թագավորի որդի [[Պարիս]]ի (Ալեքսանդր) կողմից [[Սպարտա]]յի թագավոր [[Մենելայոս]]ի կնոջ՝ [[Հեղինե]]ի առևանգումն էր։ Օգնության կանչելով հունական պետությունների արքաներին` Մենելայոսն ու նրա եղբայր Ագամեմնոնը մեծ նավատորմով ուղևորվել են դեպի Տրովադա։ Տասը տարի հույները պաշարել են Տրոյան, ապա խորամանկորեն գրավել քաղաքը (այսպես կոչված, [[տրոյական ձի]]ու շնորհիվ)։
Ռազմական գործողությունների ժամանակ, որոնք հիմնականում հայտնի ռազմիկների մենամարտեր էին, հույների մեջ փառաբանվել են [[Աքիլլես]]ը, [[Ոդիսևս]]ը, Ագամեմնոնը, Պատրոկլեսը և ուրիշներ, տրոյացիների մեջ՝ [[Հեկտոր]]ը, Գլավկոսը, Սարպեդոնը և էնեասը։
Տրոյական պատերազմը [[Փոքր Ասիա]] հույների ներթափանցման փուլերից մեկն է, որն սկսվել է մ. թ. ա. XVI դ. ուժեղացել մ. թ. ա. XIII դ. ([[Խեթական պետություն|Խեթական պետության]] թուլացման ժամանակ)։ Տրոյացիների պարտությունը հեշտացրել է դորիացիների կողմից Հունաստանից դուրս մղված աքքայացիների մի մասի վերաբնակեցումը Փոքր Ասիայում։
Ըստ [[Մովսես Խորենացի|Մովսես Խորենացու]], Տրոյական պատերազմին, Տրոյայի կողմում, մասնակցել է հայ նահապետ [[Զարմայր]]ը, որն առաջնորդել է հայկական և եթովպական զորքը, վիրավորվել ճակատամարտում և զոհվել։
{{ՀՍՀ}}
{{Հունաստանի ճակատամարտեր}}
[[Կատեգորիա:Տրոյական պատերազմ]]
| 