«Արքայական գավաթը» վիճակագրություն չի ճանաչում։ «Ատլետիկոն» չի հաղթել «Ռեալին» սկսած 1999-ից, և այս 12 տարիներին «արքայական» ակումբի առավելությունը արդեն հոգնեցուցիչ է։ «Բլանկոսները» տոնել են 12 հաղթանակ և 6 ոչ-ոքի են խաղացել։ Սակայն այս տվյալները կորցնում են իրենց կարևորությունը, երբ խոսքը «Արքայական գավաթի» քառորդ եզրափակչի մասին է, երբ խաղադաշտում են մի կողմից Ռոնալդուն և Կուն Ագուերոն՝ մյուս կողմից։
Պորտուգալացին իր տարերքի մեջ է. «Վիլյառեալի» հետ հանդիպման ժամանակ դարձավ հետ-տրիկի հեղինակ՝ Իսպանիայի առաջնությունում բարելավելով իր արդյունքը մինչև 22 գոլ 18 խաղում։ Եթե շարունակի այս տեմպով, և վնասվածքները չխանգարեն, Կրիշտիանուն կարող է գերազանցել 50 գոլի սահմանը բոլոր մրցաշարերում։ «Լևանտեի» դեմ Բեռնաբեուում անցկացրած գավաթական վերջին հանդիպման ժամանակ «բլանկոսները» 8 գնդակ ուղարկեցին մրցակցի դարպասը։
