«Քրիստափոր Թափալցյան»–ի խմբագրումների տարբերություն

'''Քրիստափոր Կնյազի Թափալցյան''' ({{ԱԾ}}), [[հայ]] արձակագիր, [[ԽՍՀՄ գրողների միություն|ԽՍՀՄ գրողների միության]] անդամ [[1939]]-ից։ թվականից։ [[ԽՄԿԿ]] անդամ [[1942]] թվականից:

Ծնվել է [[Արևմտյան Հայաստան]]ի [[Բուլամըխ]]ի գավառի [[Կոփ]] գյուղում։ [[1930]] թվականին ավարտել է [[Լենինականի մանկավարժական տեխնիկում]]ը, [[1939]] թվականին՝ [[Երևանի պետական համալսարան]]ի բանասաիրական ֆակուլտետը, [[1950]] թվականին՝ [[Մաքսիմ Գորկու անվան Գրականության ինստիտուտ|Մոսկվայի Մ. Գորկու անվան գրական ինստիտուտ]]ին առընթեր գրական բարձրագույն դասընթացները։ [[1930]] թվականին [[Ապարանի շրջան]]ի [[Բազարջուղ]] գյուղի յոթնամյա դպրոցի տնօրենն էր, [[1931]]-[[1932]] թվականներին՝ [[Ապարանի շրջան|Ապարա]]նի շրջանի ժողկրթության տեսուչ։ [[1940]]-1941 թվականներին աշխատել է «Սովետական Հայաստան» օրաթերթում որպես արվեստի ու գրականության բաժնի վարիչ։ [[1941]]-[[1945]] թվականներին մասնակցել է [[Հայրենական մեծ պատերազմ]]ին. եղել է [[89-րդ Հայկական հրաձգային դիվիզիա|89-րդ հրաձգային հայկական դիվիզիա]]յի «Կարմիր զինվոր» թերթի պատասխանատու քարտուղարը։ [[1946]]-[[1948]] թվականներին եղել է «[[Գրական թերթ (շաբաթաթերթ)|Գրական թերթ]]»-ի գրական-գեղարվեստական բաժնի վարիչը։ 1950-[[1955]] թվականներին աշխատել է Հայպետհրատում որպես խմբագիր։ [[Ռուսերեն]] լույս է տեսել նրա «Պատերազմ» քառահատոր վեպի առաջին և երկրորդ հատորները (Մոսկվա, [[1956]]), «Ոսկե հովիտ» (Մոսկվա, [[1959]]) վեպը, «Հայրենաշեն» վեպի առաջին գիրքը ([[Մոսկվա]], [[1966]])։ Պարգևատրվել է Կարմիր դրոշի շքանշանով։ Մահացել է [[Երևան]]ում<ref>{{cite book|author=Հայկ Խաչատրյան|title=Գրական տեղեկատու|publisher=«Սովետական գրող»|location=Երևան|year=1981|page=էջ 150-151}}</ref>: