'''Մեղուները''' թռչող միջատներ են, սերտորեն կապված [[կիպր]]երի և [[մրջյուն]]ների հետ, հայտնի են փոշոտման մեջ իրենց դերով և նրանով, որ տալիս են [[մեղր]] և [[մեղրամոմ]]։
Ներկայումս հայտնի է 7-9 ճանաչված ընտանիքներում դասակարգված մոտ 20 000 տեսակի մեղու<ref name="Danforthetal2006">{{cite journal |author=Danforth BN, Sipes S, Fang J, Brady SG |title=The history of early bee diversification based on five genes plus morphology |journal=Proc. Natl. Acad. Sci. U.S.A. |volume=103 |issue=41 |pages=15118–23 |year=2006 |month=October |pmid=17015826 |pmc=1586180 |doi=10.1073/pnas.0604033103 |url=}}</ref>, չնայած դրանց իրական թիվն ավելի մեծ է, ուղղակի նկարագրված չեն։ Դրանց կարելի է հանդիպել բոլոր [[մայրցամաք]]ներում, բացառությամբ [[Անտարկտիդա]]յի, մոլորակի բնական միջավայրում, որտեղ կան միջատների միջոցով փոշոտվող ծաղկաբույսեր։ Մեղուներն ուսումնասիրող գիտությունը կոչվում է [[ապիոլոգիա]](ապիդոլոգիա)։ Մեղուները հարմարվել են [[նեկտար]]ով և ծաղկափոշով սնվելու, նեկտարն օգտագործելով հիմնականում որպես էներգիայի աղբյուր, իսկ [[ծաղկափոշի]]ն՝ [[սպիտակուց]]ներ և այլ սննդային նյութեր ստանալու համար։
Մեղուներն ունեն երկար փթիկ, որն օգտագործում են բույսից նեկտար ծծելու համար, ունեն նաև բեղիկներ, արուներինը բաղկացած են 13 հատվածից, էգերինը՝ 12։ Բոլոր մեղուներն ունեն երկու զույգ թևեր, ետևիններն առջևիններից ավելի փոքր չափսերի են։ Մեղուների շատ տեսակներ համարյա չեն հետազոտվել։ Մեղուների չափերը տատանվում են 2,1 մմ-ից (''Trigona minima'' գաճաճ մեղուներ ([[անգլերեն]]՝ Stingless bees, «Անխայթ մեղուներ»)) մինչև 39 մմ ([[Ինդոնեզիա]]յում ապրող''Megachile pluto'' մեղուներ)։
