'''Արփա''', ''Արևելյան ԱրփաԱրփաչայ, Արփանյալ, Արփաչայ, Ձորագետ, Ջերմ'', գետ [[Հայաստան]]ի Վայոց ձորի մարզում, Արաքսի ձախ վտակը։ Սկիզբ է առնում [[Թեքսարի լեռներ]]ից։ Վերին հոսանքում գետը դանդաղահոս է, բայց դեռ չհասած [[Ջերմուկ (քաղաք)|Ջերմուկ]] առողջարան՝ դառնում է արագահոս և, ճեղքելով Վարդենիսի լեռնալանջերը, գահավիժում է անտառապատ խոր կիրճը։ Ջերմուկից ներքև Արփան հոսում է գալարումներով և իր ընթացքը մերթ արագ, մերթ դանդաղ շարունակում է մինչև [[Արենի]] գյուղը։ Ստորին հոսանքում Արփան բաժանվում է բազմաթիվ մեծ ու փոքր առուների և ամռան ամիսներին ամբողջովին օգտագործվում է դաշտերն ու այգիները ոռոգելու համար։ [[Արաքս]]ի մեջ է թփվում [[Նախիջևանի Ինքնավար Հանրապետություն|Նախիջևանի Հանրապետության]] տարածքում։
Ունի 128 կմ երկարություն<ref>{{Գիրք:ՀՀՖՕՀՏԲ|22}}</ref>, 36 կմ չափով հոսում է [[Շարուրդաշտ|Շարուր գավառի]] տարածքով և թափվում Արաքս գետը։ Արաքսի այս ձախափնյա վտակի ջրով էլ հիմնականում ոռոգվում են [[Շարուրի դաշտ]]ի գյուղատնտեսական տարածքները։ 1979-83 թթ. այս գետի վրա՝ Գյումուշլու բանավանի մոտ, կառուցվել է մոտ 180 միլիոն ջրատարողունակությամբ ջրամբար։ Նախիջևանի տարածքներում Արփան սնում էն նրա Ջաղազուր, Յայջի և Ախուրա ոչ մեծ գետակները։ Ջրի ծախսը 21,2 խմ/վ։
