«Սերմնաբուծություն»–ի խմբագրումների տարբերություն

[[1937]] թվականին կազմակերպվեց սերմնաբուծության նոր համակարգ, սելեկցիոն կայանները [[Պետսորտֆոնդ]]ի միջոցով էլիտայի սերմերը հատկացնում են շրջանային սերմնաբուծական տնտեսություններին, որոնք արտադրական ցանքերում աճեցնում են առաջին վերարտադրության սերմեր։ 2-րդ վերարտադրության սերմերը հատկացնում են սպասարկվող շրջանի խորհրդային տնտեսություններին, կոլտնտեսություններին, որոնք սերմնաբուծական հողամասերում ստանում են 3-րդ վերարտադրության սերմեր՝ արտադրական ցանքերի համար։

 

 

== ԽՍՀՄ-ում սերմնաբուծության համակարգը ==

ՀԽՍՀ-ում ԳՀԻ-ների էլիտային տնտեսությունները աճեցնում են էլիտային [[սերմ]]եր, «Հայսորտսերմարդի» մասնագիտացված սերմնաբուծական տնտեսությունները այդ սերմերը բազմացնում են և առաջին վերարտադրության սերմերը հանձնում (պայմանագրային հիմունքով) սորտային սերմեր արտադրող տնտեսություններին՝ սերմերի հետագա բազմացումը շարունակելու համար։ Երկրորդ վերարտադրության սերմերը տրվում են խորհրդային տնտեսություններին և կոլտնտեսություններին՝ արտադրական ցանքատարածությունների համար։ Հացահատիկային, [[հատիկաընդեղեն]] կուլտուրաների և [[առվույտ]]ի արտադրական ցանքերը ցանվում են երկրորդ վերարտադրության սերմերով, կորնգանինը՝ երրորդ։ Սերմերի 2-3 տարվա բազմացման շնորհիվ երրորդ տարում ավարտվում է սորտաթարմացումը, սորտափոխանակումը և արտադրության մեջ նոր սորտի արմատավորումը։ Գյուղատնտեսական ԳՀԻ-ներում և սելեկցիոն-փորձնական հիմնարկներում բարձրորակ էլիտային սերմերի աճեցման համար սերմնաբուծական աշխատանքը տարվում է 4-5 (երբեմն՝ 3) տարվա ընթացքում, հետևյալ սխեմայով, հացահատիկային կուլտուրաների համար՝ 1․ առաջին տարվա սերնդի փորաձարկման տնկարան, 2․ երկրորդ տարվա սերնդի փորձարկման տնկարան, 3․ բազմացման տնկարան, 4․ սուպերէլիտա, 5․ էլի տա։

 

 

[[Բամբակ]]ի էլիտային սերմերն աճեցնում են էլիտային տնտեսություններում, որտեղ կատարում են անհատական ընտրություն։ Էլիտային սերմերը բազմացնում են սերմնաբուծական տնտեսություններում, որտեղ աճեցնում են առաջին, երկրորդ և երրորդ վերարտադրության սերմեր։ Վերջիններս ցանվում են արտադրական ցանքերում։ Բանջարաբոստանային կուլտուրաների և կերային արմատապտուղների էլիտային սերմերը բազմացվում են սերմնաբուծական տնտեսություններում։ Սերմնաբուծական աշխատանքների ղեկավարությունն իրականացնում են ԽՍՀՄ գյուղատնտեսության մինիստրությունը և նրա մարմինները։ [[ԽՍՀՄ]]-ում գոյություն ունի սերմերի սորտային և ցանքային որակի պետական վերահսկողության համակարգ։ Սերմերի սորտային որակն ստուգվում է ցանքերի դաշտային ապրոբացիայի և գրանցման միջոցով։

 

== Սերմնաբուծությունը արտասահմանում ==

 

{{ՀՍՀ|հատոր=10|էջ=340}}