«Օղակ գործողություն»–ի խմբագրումների տարբերություն

'''Օղակ գործողություն''' (նաև Կոլցո գործողություն կամ օպերացիա, {{lang-ru| Операция Кольцо}})՝ [[Ադրբեջանական ԽՍՀ]]–ի տարածքում գտնվող մի շարք հայաբնակ [[գյուղ]]երի բռնի հայաթափումն էր [[ԽՍՀՄ ԶՈՒ]]–ի և ադրբեջանական ՕՄՕՆ-ի կողմից՝ [[Էթնիկ զտումներ|էթնիկ զտման]]<ref name="Oana">[http://www.peacestudiesjournal.org.uk/dl/Ethnic%20conflict%20Azerbajian%20Macedonia_Oana%20Tranca.pdf Oana Tranca «What Causes Ethnic Conflict Diffusion? A Study of Ethnic Conflicts in Azerbaijan and Macedonia».]{{ref-en}}</ref> նպատակով։

[[1991]] թ [[ապրիլի 30]]-ին [[Գանձակ]]ում (Կիրովաբադ) տեղակայված խորհրդային 4-րդ բանակի 2-րդ դիվիզիան՝ [[տանկ]]երի, հրետանու և [[ռազմական ավիացիա]]յի աջակցությամբ, շրջափակման մեջ է առնում Ադրբեջանական ԽՍՀ [[Խանլարի շրջան]]ի [[Գետաշեն (Արցախ)|Գետաշեն]] և [[Մարտունաշեն]] գյուղերը։ Այս գործողությանը ժամեր անց հետևում է Ադրբեջանի ՆԳՆ զորքերի հատուկ նշանակության ջոկատների (ՕՄՕՆ) և ազերի «կամավորների» մուտքը նշված գյուղերի տարածք։ Անձնագրային ռեժիմի ստուգման պատրվակով հայաբնակ գյուղերի բնակիչներին ազերիները բռնի կերպով [[ուղղաթիռ]]ներով արտաքսում [[Ստեփանակերտ]] կամ [[Կիրովաբադ]], ապա՝ [[Հայաստան]]։ Գետաշենի ենթաշրջանի ինքնապաշտպանության ղեկավար [[Թաթուլ Կրպեյան]]ը, [[Արթուր Կարապետյան]]ը [[Արաբո կամավորական ջոկատ|Արաբո ջոկատ]]ի հրամանատարությունըհրամանատարությունն ապրիլի 19-ից ստանձնած [[Սիմոն Աչիկգյոզյան]]ը, Հարազդանի ջոկատի հրամանատար Հրաչ Դանիելյանը զոհվում են անհավասար կռվում։ Գործողությունները տևում են մեկ շաբաթ։ Տասնյակից ավելի խաղաղ բնակիչներ են գնդակահարվում ու կացնահարվում (հիմնականում՝ տարեց մարդիկ)։ Շուրջ հարյուր տղամարդկանց օմոնականները գերի են քշում Կիրովաբադ։ Ականատեսների վկայությամբ, օպերացիայի արդեն իսկ առաջին օրվանից շրջակա ադրբեջանական գյուղերի հազարավոր բնակիչներ խուժում են Գետաշեն ու Մարտունաշեն, և սկսում թալանել հայերի ունեցվածքը։