«Ճահուկ գավառ (Սյունիք)»–ի խմբագրումների տարբերություն

'''Ճահուկ''', գավառ [[Մեծ Հայք]]ի [[Սյունիք]] նահանգում, Նախճավան գետի Ճահուկ (այժմ՝ [[Ջահրի]]) եւ Շահապոնք (այժմ՝ [[Շահբուզ]]) վտակների ավազաններում: Հյուսիսից եւ հյուսիս-արեւելքից եւ հարավից՝ [[Երնջակ]] եւ [[Նախճավան]], արեւմուտքից՝ [[Այրարատ]]ի [[Շարուր]] գավառներին: Կազմված էր Ճահուկ եւ Շահապոնք վիճակներից՝ համանուն կենտրոններով: Մակերեւույթը լեռնադաշտային է, զգալիորեն անտառավետ, կլիման՝ ցամաքային, հողը՝ բերրի: [[Արշակունիներ]]ի ժամանակ (I-Vդդ.) Ճահուկը եղել է [[Շահապունիք]] իշխանական տան ժառանգական տիրույթը: VIդ. Ճահուկը հիշատակվում է որպես բյուզանդական եւ պարսկական նվաճողների դեմ պայքարող հայկական ուժերի զորաճամբար: X դ. Ճահուկը մտնում էր Սյունյաց գահերից իշխան [[Սմբատ]]ի տիրույթների մեջ: Սյունյաց իշխանության քաղաքական դերի նվազումից հետո, XIIդ., Ճակուկը անցնում է Համտունյաց իշխանությանը: [[Համտունյաններ|Համտունյաց]] տոհմի սպառումից հետո Ճահուկը անցնում է [[Օրբելյաններ|Օրբելյան]] իշխան Ելիկումին, այնուհետեւ՝ [[Պռոշյաններ]]ին: Ճահուկ ավանի Ս. Աստվածածին վանքը XIV-XVIII դդ. եղել է ունիթոռների միաբանության կենտրոն: XVI-XVIIIդդ. Ճահուկը Նախիջեւանի խանության կազմում էր եւ կոչվում էր Ջահրի: XIXդ. 2-րդ կեսից Ճահուկը մտնում էր Երեւանի նահանգի Նախիջեւանի գավառի մեջ:

{{Մեծ Հայքի վարչական բաժանում}}