'''Մեծավան''', գյուղ [[Հայաստան|Հայաստանի Հանրապետության]] [[Լոռու մարզ]]ում։ Գյուղը հյուսիսից և արևելքից շրջապատված է Վիրահայոց լեռներով, որի “Գևո սար” կոչվող լանջին էլ տեղադրված է : Արևմուտքից շրջապատված էարևմուտքից Ջավախքի լեռնալանջերովլեռներով, իսկ հարավարևմտյան և հարավային մասերով հոսում է Ձորագետի խոշոր վտակ Տաշիրը: Հյուսիսից սահմանակից է Վրաստանի Հանրապետությանը, արևելքից` Ձորամուտ գյուղական համայնքին, հարավ-արևելքից` Միխայլովկա գյուղական համայնքին , հարավից Տաշիր քաղաքային համայնքին, հարավ-արևմուտքից` Դաշտադեմ գյուղական համայնքին, արևմուտքից` Ձյունաշող գյուղական համայնքին: Ցուցանակը նշում է` “Մեծավան”, բայց բոլորին այն հայտնի է իր նախկին անվամբ` “Շահնազար”։ Ըստ ստուգաբանության` “Շահնազար” նշանակում է թագավորի հայացքին արժանացած: Մեծավանը գտնվում է Տաշիրի տարածաշրջանում, Լոռու մարզի հյուսիսարևմտյան մասում` ծովի մակերևույթից 1580 մ բարձրության վրա: Բնակչության թվով Հայաստանի Հանրապետության ամենամեծ գյուղերից մեկն է, Լոռու մարզում` երկրորդը: