'''Գրան Կանարիա''' ({{lang-es|Gran Canaria}}), երկրորդ ամենահայտնի կղզին [[Կանարյան կղզիներ]]ում, Աֆրիկյան [[արշիպելագ]]ում, որըորն [[Իսպանիա]]յի մասն է կազմում։ Ունի 847830 բնակչություն (2015 թվականի տվյալներով), ինչը կազմում է մոտավորապես արշիպելագի բնակչության 40%-ը։ Գտնվում է [[Ատլանտյան օվկիանոս]]ում, [[Աֆրիկա]]յի հյուսիս-արևմտյան ափից 150 կիլոմետր հեռու և 1350 կիլոմետր հեռու [[Եվրոպա]]յից<ref>[http://www.laspalmasgc.es/lpgc/idcplg?IdcService=SS_GET_PAGE&nodeId=137 Situación y Clima. Ayuntamiento de Las Palmas de Gran Canaria.] {{webarchive|url=https://web.archive.org/web/20100629205852/http://www.laspalmasgc.es/lpgc/idcplg?IdcService=SS_GET_PAGE&nodeId=137 |date=2010-06-29 }}</ref>։ Ընդգրկում է 1560 քառ. կմ տարածք<ref>[http://www.gobiernodecanarias.org/istac/estadisticas.html ISTAC: ''Estadísticas de la Comunidad Autónoma de Canarias''] (Statistics for the Canaries) on ''gobiernodecanarias.org''.</ref>, և ամենաբարձր կետը Պիկո դե լաս Նիևես հրաբխային ծագում ունեցող լեռն է՝ 1956 մ բարձրությամբ<ref>[http://www.ign.es/ign/layoutIn/anetabladatosdatosorograficosorografia.do Geography and toponymy data] on ''ign.es''].</ref>։
Գրան Կանարիայում բնակվում էին հիմնականում գուանչիներ, ովքեր այստեղ ապրել են դեռևս մ.թ.ա 500 թվականին։ Կղզին կոչվել է Թամարան կամ Քաջերի երկիր։ Ավելի քան մեկ դար շարունակ եվրոպացիների արշավանքներից և հարձակումներից հետո, կղզին նվաճվեց 1483 թվականի ապրիլի 29-ին, Կաստիլիայի թագուհի [[Իզաբելլա I]]-ի աջակությամբ, որը կարևոր քայլ էր [[Իսպանիա]]յի միավորելու համար։
Մայրաքաղաքը [[Լաս Պալմաս դե Գրան Կանարիա]]ն է, որը հիմնադրվել է 1478 թվականի հունիսի 24-ին, այդ ժամանակ որպես՝ Real de Las Palmas, Խուան Ռեխոնի կողմից։ Վերջինս եղել է Կաստիլիական բանակի ղեկավարը։ 1492 թվականին [[Քրիստափոր Կոլումբոս]]ը խարիսխ գցեց Լաս Պալմասի նավահանգստում, դեպի Ամերիկա իր առաջին ճամփորդության ժամանակ։ Լաս Պալմաս դե Գրան Կանարիան [[Սանտա Կրուս դե Տեներիֆե (քաղաք)|Սանտա Կրուս դե Տեներիֆե]] քաղաքի հետ միասին Կանարյան կղզիներ ինքնավար համայնքների մայրաքաղաքն են։
