«Մանվել Բեգլարյան»–ի խմբագրումների տարբերություն

'''Մանվել Կարապետի Բեգլարյան''' ([[1922]], [[նոյեմբերի 30]], [[Թիֆլիս]] - [[2002]], [[նոյեմբերի 19]], [[Երևան]]), հայ կոմպոզիտոր, դիրիժոր, մանկավարժ։ ՀԽՍՀ արվեստի վաստակավոր գործիչ ([[1982]]):։

Մանվել Բեգլարյանը ծնվել է Թիֆլիսում։ 1931 թվականին տեղափոխվել է Երևան։ Սովորել է [[Ռոմանոս Մելիքյանի անվան երաժշտական ուսումնարան]]ում: 1951 թվականին ավարտել է [[Երևանի Կոմիտասի անվան պետական կոնսերվատորիա]]յի ջութակի (ղեկավար՝ Հ. Բոգդանյան), 1959 թվականին՝ ստեղծագործական (ղեկավար՝ [[Էդվարդ Միրզոյան]]) բաժինները։ 25 տարի եղել է ֆիլհարմոնիայի սիմֆոնիկ նվագախմբի ջութակահարներից, այնուհետև ղեկավարել Թաթուլ Ալթունյանի անվան երգի-պարի անսամբլի գործիքային մասը։ 1974-1995 թվականներին եղել է Հայաստանի հեռուստառադիոյի պետական կոմիտեի Արամ Մերանգուլյանի անվան ժողովրդական գործիքների անսամբլի գեղարվեստական ղեկավարն ու գլխավոր դիրիժորը, որտեղ կատարել և ձայնագրել է ավելի քան 1000 երգեր և գործիքային ստեղծագործություններ։ Նրա ղեկավարությամբ անսամբլը համերգներ է տվել Հայաստանի բոլոր շրջաններում, [[Մոսկվա]]յում, [[Անդրկովկաս]]ի մյուս հանրապետություններում, [[Ֆրանսիա]]յում, [[ԱՄՆ]]-ում, [[Կանադա]]յում, [[Սիրիա]]յում, [[Ալժիր]]ում, [[Ավստրալիա]]յում, [[Հնդկաստան]]ում և այլուր։ 1981 թվականից դասավանդել է Երևանի կոնսերվատորիայում (1999 թվականից՝ [[պրոֆեսոր]]):։ Կազմել է մի շարք ձեռնարկներ, գրել սիմֆոնիկ, կամերային ժանրերի ստեղծագործություններ, երգեր հայ պոետների խոսքերով<ref>{{cite book|author=|title=Ով ով է. Հայեր. Կենսագրական հանրագիտարան, հատոր առաջին, Երևան, 2005}}</ref>: Ունի ֆոնդային ձայնագրություններ։ «Քարավան լուսոն»- ն եղել է Բեգլարյանի վերջին ստեղծագործությունը<ref>[http://portall.zp.ua/video/no-title/id-YXbSRWfSGWf.html Քարավան լուսո, Մանվել Բեգլարյան]</ref>: