«Հայելի»–ի խմբագրումների տարբերություն

'''Հայելի''', ողորկ մակերևույթով մարմին, որը, անդրադարձնելով լուսային ճառագայթները, ստեղծում է առարկաների (այդ թվում նաև լույսի աղբյուրի) [[օպտիկա]]կան պատկերը։

[[Մետաղե հայելիներ]]ի ([[բրոնզ]]ից կամ [[արծաթ]]ից) կիրառության մասին առաջին տեղեկությունները վերաբերում են մ. թ. ա. 3-րդ հազարամյակին։ [[Բրոնզի դար]]ում հայելիները առավելապես հայտնի է եղել [[Հին Արևելք]]ի երկրներում, իսկ [[երկաթի դար]]ում ստացել է ավհլի լայն տարածում։ [[Անագ]]ի կամ [[կապար]]ի տակդիրով ապակե հայելիները երևան են եկել [[Հին Հռոմ|հռոմեացիների]] մոտ մ. թ. 1-ին դարում։

[[Միջին դարեր]]ի սկզբում դրանք անհետացել են, ապա նորից հայտնվել միայն [[13-րդ դար]]ում։ [[16-րդ դար]]ում ստեղծվել է անագի [[ամալգամ]]ով երեսպատված ապակե հայելի։

Գիտության և տեխնիկայի տարբեր բնագավառներում օգտագործվող ժամանակակից հայելիները լինում են ''հարթ'', ''գոգավոր'' և ''ուռուցիկ''։ Հարթ հայելին օպտիկական միակ համակարգն է, որ տալիս է [[աբեռացիա]]յից զուրկ կեղծ պատկեր:պատկեր։ Գոգավոր և ուռուցիկ հայելիները, որոնց անդրադարձնող մակերևույթը կարող է լինել գնդային, պարաբոլային, գլանային և այլն, օժտված են աբեռացիայի բոլոր տեսակներով, բացի գունայինից։ Հայելու մակերևույթի հղկման ճշտությունը կախված է օգտագործման նպատակից, օրինակ, [[աստղագիտություն|աստղագիտական]] և [[սպեկտր]]ային որոշ սարքերում անհարթությունների չափերը չպետք է գերազանցեն [[լուսային ալիք]]ի երկարության 1/10-ը։