Տեխնոլոգիան իրերի պատրաստման և գործածման [[գիտություն|գիտությունն]] ու [[արվեստ|արվեստն]] է: Միայն [[մարդ|մարդն]] է ընդունակ, աշխարհի նյութերը վերափոխելով, ստեղծել կյանքի համար անհրաժեշտ գործիքներ, սարքեր և համակարգեր: Թեև այլ էակներ էլ են ի վիճակի իրեր պատրաստել եև գործածել, սակայն դրանց պատրաստման եղանակը համարյա չի փոխվել: Այլ է մարդու պարագայում: Տեսնելով, թե ինքն ինչի կարիք ունի, նա գտնում է դրա բավարարման նորանոր միջոցներ, հասկանում պատահական հայտնագործությունների կարևորությունը: Օրինակ, [[կրակ|կրակի]] հայտնագործումը և դրանով կավը խեցե ամանեղենի, իսկ [[ապարներ|ապարները]] [[մետաղներ|մետաղների]] փոխակերպելու հնարավորությունը պայմանավորեց ժամանակակից [[աշխարհ|աշխարհի]] գոյությունը: Վերջին հարյուրամյակների ընթացքում գիտնականները պարզեցին, թե ինչու են [[նյութ|նյութերը]] կամ [[մեքենա|մեքենաներն]] իրենց այս կամ այն կերպ դրսևորում: Այդ գիտելիքների կիրառման շնորհիվ հայտնի նյութերը կատարելագործվեցին, հայտնագործվեցին նորերը, [[բնական գիտություններ|բնական գիտությունները]] և [[մաթեմատիկա|մաթեմատիկան]] նպաստեցին այնպիսի տարբեր արտադրանքների ստեղծմանը, ինչպիսիք են [[ինքնաթիռներ|ինքնաթիռը]] կամ լողազգեստը: Իրերի պատրաստումն սկսվում է նախագծումից, այսինքն՝ հաշվարկից, թե ինչ է հարկավոր և ինչպես պետք է դա իրականացնել: Նախագծողներն այժմ ունեն նյութերի, եղանակների և բաղադրամասերի լայն ընտրության հնարավորություն, որոնց օգնությամբ գաղափարներն իրականացնում են: Այսօր աշխատանքի մեծ մասն իրագործում է [[համակարգիչ|համակարգիչը:]] Սպառողին գոհացնող, անխափան աշխատող էժան իր պատրաստելը ճշմարիտ արվեստ է:
