'''Հենրիխ Իրենեուսի Կվինկե'''- ծնվել է [[1842]] թվականի օգոստոսի 26-ին [[Գերմանիա|Գերմանիայի]] [[Ֆրանկֆուրտ]] քաղաքում, մահացել է [[1922]] թվականի մայիսի 19-ին կրկին Գերմանիայի Ֆրանկֆուրտ քաղաքում։ Գերմանացի [[բժիշկ]] է՝ [[թերապիա|թերապևտ]] և [[Վիրաբուժություն|վիրաբույժ]]։ Հեղինակ է մի շարք հայտնագործությունների և նորարարությունների բժշկության ասպարեզում։ Ավագ եղբայրը [[Ջորջ Հերմանի Կվինկե|Ջորջ Հերմանի Կվինկեն]] է։
== Կենսագրությունը ==
Նրա հայրը հայտնի գերմանացի բժիշկ Հերման Կվինկեն է։ Մեծ եղբայրը ֆիզիկ Ջորջ Կվինկեն է։ Սովորել է [[Հայդելբերգի համալսարան|Հայդելբերգի]], [[Բյուրցբուրգսկի համալսարան|Բյուրցբուրգսկի]] և [[Բեռլինի համալսարան|Բեռլինի]] համալսարաններում։ 1863 թվականին Բեռլինի համալսարանում ստացել է դոկտորի ստիճան։ Նրա դասախոսներից է եղել հայտնի բժիշկ և գիտնականներ [[Ռուդոլֆ Վիրխով|Ռուդոլֆ Վիրխովը]] և [[Ալբերտ ֆոն Կյոլլիկեր|Ալբերտ ֆոն Կյոլլիկերը]]։
[[1865]] թվականին Կվինկեն աշխատել է [[ֆիզիոլոգ]] [[Էռնեստ ֆոն Բրյուկկե|Էռնեստ ֆոն Բրյուկկեի]] մոտ [[Վիեննայի համալսարան|Վիեննայի համալսարանում]]։ 1866 թվականին դարձել է [[վիրաբույժ]] [[Ռոբերտ Վիլմս|Ռոբերտ Վիլմսի]] օգնականը։
1873 թվականին Կվինկեն դառնում է բժշկության (թերապիայի) պրոֆեսոր Բեռլինի համալսարանում։ 5 տարի անց տեղափոխվել է [[Կիլիի համակսարան]]։ 1908 թվականին պրոֆեսորի աստիճանում անցել է թոշակի։
== Ներդրումը բժշկության մեջ ==
Կվինկեն առաջինն է կատարել մաշկային լյուբալ [[պունկցիա]] և չնայած նա պունկցիան իրականացրել է դիագնոստիկ և բուժական նպատակներով, այնուամենայնիվ նրա հետազոտությունը դարձավ հիմք դարձավ ապագա [[Անեսթեզիոլոգիա|անեսթեզիոլոգիայի]] համար։
Կվինկեն առաջինն է ուսումնասիրել ողնուղեղային հեղուկը։ Նա որոշեց դրա բաղադրությունը, տեսակարար կշիռը, նրա հատկանիշները թարախային [[Մենինգիտ|մենինգիտի]] ժամանակ։
1882 թվականին Կվինկեն ուսումնասիրել է սուր մաշկային ալերգոնևրոտիկ այտուցը, որի համար այտուցը կոչվել է նրա անունով։
== Գրականություն ==
* ''Quincke H.'' Esophageal ulcers from digestive juice (ulcus oesophagi ex digestione). Dtsch Arch Klin Med. 1879;24:72.
