«Էնդոպլազմային ցանց»–ի խմբագրումների տարբերություն

Էնդոպլազմային ցանցը խողովակների, խորշերի կամ բշտաձև մանր հատիկների մի բարդ համակարգ է` կազմված լիպոպրոտեիդների 75 մկմ տրամագծով երկու շերտերի թաղանթից: Էնդ. ցանցը ունի մինչև 500 մկմ երկարություն: Խողովակներն ու խորշերը խորշերը կազմում են մի ճյուղավոր, ամբողջ բջջապլազմայի մեջ ներթափանցված ցանց, որը պայմանավորում է նրա անվանումը: Նա առավել զարգացած է այն բջիջներում, որոնցում սպիտակուցի սինթեզը ավելի ակտիվ է ընթանում (երիտասարդ բջիջներում, գեղձերի բջիջներում), և, ընդհակառակը, թույլ է զարգացած այն բջիջներում, որոնցում ոչ մեծ քանակությամբ սպիտակուց է սինթեզվում (լիմֆատիկ հանգույցների բջիջներում, փայծաղի բջիջներում): Էնդոպլազմային ցանցը լինում է հարթ կամ ողորկ և հատիկավոր: Հարթ էնդ. ցանցի արտաքին շերտը հարթ է, այսինքն զուրկ է ռիբոսոմներից, իսկ հատիկավոր էնդ. ցանցի արտաքին շերտը հիմնականում գրանուլյար է` հատիկավոր: Այդ հատիկները, որոնց տրամագիծը հասնում է մինչև 150 մկմ, հարուստ են ՌՆԹ-ով և կրում են ռիբոսոմներ անվանումը: Հարթ էնդ. ցանցի վրա կան ճարպեր և մոնոսախարիդներ սինթեզող ֆերմենտային համակարգեր, իսկ ռիբոսոմներ կրող էնդոպլազմային ցանցի վրա` սպիտակուցներ սինթեզող համակարգեր: <ref> Ընդհանուր Կենսաբանություն, հեղինակ Նադեժդա Բեգլարյան, էջ 116-117</ref>