«Ամերիկյան նպաստամատույց վարչություն»–ի խմբագրումների տարբերություն

'''Ամերիկյան նպաստամատույց վարչություն''' ({{lang-en|''American Relief Administration''}}; ARA), կազմակերպություն, որ հիմնել է [[ԱՄՆ]]-ի [[կոնգրես]]ը [[1919]]-ի փետրվարին, [[առաջին համաշխարհային պատերազմ]]ի ժամանակ [[Եվրոպա]]յի և [[Մերձավոր Արևելք]]ի տուժած բնակչությանը օգնություն ցույց տալու նպատակով։ Ղեկավարն էր Տ. Հավերը։

Կոնգրեսը 100 միլիոն [[դոլլար]] է հատկացրել օժանդակելու Եվրոպայի ժողովուրդներին, ինչպես նաև «ներկայիս կամ անցյալին [[Փոքր Ասիա]]յի մեջ [[Թուրքիա]]յի հպատակ [[հայեր]]ին, [[սիրիացիներ]]ին, [[հույներ]]ին և այլ [[քրիստոնյա]] ու [[հրեա]] ազգաբնակչությանը»։

Հավերը [[Հայաստան]]ին ուղարկված առաջին նավը [[Բաթում]] է հասել [[1919]]-ի ապրիլին, մինչև օգոստոսի վերջը տեղ է հասել ևս 7 [[նավ]]։ [[Հայաստան]]ի կառավարությունը իր ստացած յուրաքանչյուր նավի ապրանքների դիմաց ստորագրել է պարտամուրհակ։ Ըստ հրապարակված վերջնական տվյալների, Ամերիկյան նպաստամատույց վարչությունը Հայաստան է ուղարկել 50, 6 հազար [[տոննա]] ապրանք ([[ալյուր]], սերմացու [[ցորեն]], խտացրած [[կաթ]], [[սիսեռ]], [[բրինձ]], [[շաքար]], [[օճառ]] և այլն)՝ 10, 6 միլիոն [[դոլլար]] ընդհանուր արժողությամբ։

Հայաստանի համար նախատեսված ոչ բոլոր ապրանքներն են, որ բաշխվել են հանրապետությունում. ալյուրը բաժանվել Է [[Անդրկովկաս]]ում և [[Մերձավոր Արևելք]]ում ապրող հայերին, իսկ որոշ մթերքներ տրվել են վրացական և ադրբեջանական կառավարություններին՝ տարանցիկ արտոնությունների և [[նավթ]]ի դիմաց, ինչպես նաև որպես ամերիկյան բարի կամքի արտահայտություն։

Կոնգրեսի 100 միլիոն դոլլար հատկացումը սպառվել է [[1919]]-ի ամռանը, որից հետո Ամերիկյան նպաստամատույց վարչության՝ Անդրկովկասում ունեցած ապրանքներն ու ինչքը փոխանցվել են "Near East Relier («Օգնություն Մերձավոր Արևելքին») կազմակերպությանը։ Մինչև Ամերիկյան նպաստամատույց վարչության ստեղծումը, Հայաստանին ամերիկյան օգնություն Է եկել ոչ կառավարական կազմակերպության՝ Մերձավոր Արևելքում ամերիկյան օգնության կոմիտեի միջոցով։

Այս օգնությունը բավարար էր. որպեսզի հաղթահարվեր [[1915]]-ի [[Մեծ եղեռն]]ի և [[թուրք]]երի ավերումների հետևանքով [[արևելյան Հայաստան]]ի զգալի մասում առաջացած [[աղետ]]ը՝ սովը։