Ներկայումս Թուրքիայում բնակվում է շուրջմոտ 60-80 հզ. հայ<ref name="www.todayszaman.com">[http://www.todayszaman.com/tz-web/detaylar.do?load=detay&link=161291 “Foreign Ministry: 89,000 minorities live in Turkey”. Todayszaman. 29 September 2008]. {{ref-en}} {{dead link|date=2012 Նոյեմբեր}}</ref>, ([[համշենահայեր]]ի հետ միասին 480 հզ.) որից 70 հզ-ը՝ [[Ստամբուլ]]ում<ref name="www.todayszaman.com"/>, որտեղ և կենտրոնացած է հայ կյանքը։ Թուրքիայում հայ հասարակական կյանքը կազմակերպել են ազգային, մշակութային, գրական միությունները, բարեգործական ընկերությունները, որոնցից նշանավոր են Համազգյաց, Մեսրոպյան, Արարատյան, Կիլիկյան, Ազգանվեր հայուհյաց ընկերությունները։ Հայկական եկեղեցիներին կից գործում են դպրոցներ։ Առաջին կանոնավոր դպրոցը հիմնվել է [[1715]] թ-ին Կոստանդնուպոլսում։ Ներկայումս գործում են 17 հայկական վարժարաններ, որտեղ ուսուցանվում են հայոց լեզու, կրոնի պատմություն (հայ ժողովրդի պատմության դասավանդումն արգելված է)։ [[Թուրքերեն]]ի, Թուրքիայի պատմության և աշխարհագրության ուսուցիչները պարտադիր թուրքեր են։
