«Կոյպերի գոտի»–ի խմբագրումների տարբերություն

'''Կոյպերի գոտի''' (երբեմն կոչվում է ''Էջվորտ - Կոյպերի գոտի''), [[արեգակնային համակարգ]]ի շրջան, որը տարածվում է [[Նեպտուն]]ի [[ուղեծիր|ուղեծրից]] (30 ա. մ. [[Արեգակ]]ից) մինչև մոտավորապես 55 ա. մ. հեռավորության վրա Արեգակից։ Թեև Կոյպերի գոտին նման է [[աստերոիդների գոտի|աստերոիդների գոտուն]], այն մոտ 20 անգամ ավելի լայն է և 20 - 200 անգամ ավելի մեծ զանգված ունի։ Ինչպես և աստերոիդների գոտին, այն բաղկացած է հիմնականում [[Արեգակնային համակարգի փոքր մարմին|փոքր մարմիններից]], այսինքն, նյութից, որը մնացել է Արեգակնային համակարգի ձևավորումից հետո։ Ի տարբերություն աստերոիդների գոտու մարմինների, որոնք բաղկացած են հիմնականում լեռնային [[ապար]]ներից և [[մետաղ]]ներից, [[քյուբիվանո|Կոյպերի գոտու մարմինները]] կազմված են հիմնականում ցնդող նյութերից (որոնք անվանվում են [[սառույց]]ներ), այնպիսիք, ինչպիսիք են [[մեթան]]ը, [[ամոնիակ]]ը և [[ջուր]]ը։ Մոտակա [[տիեզերք]]ի այս շրջանում տեղաբաշխված են առնվազն երեք [[գաճաճ մոլորակ]]ներ՝ [[Պլուտոն]]ը, [[Հոմեա]]ն և [[Մակեմակե]]ն։ Բացի այդ, ենթադրվում է, որ որոշ Արեգակնային համակարգի [[մոլորակ]]ների [[բնական արբանյակ|արբանյակներ]], ինչպիսիք են Նեպտունի արբանյակ [[Տրիտոն (արբանյակ)|Տրիտոնը]] և [[Սատուրն (մոլորակ)|Սատուրն]]ի արբանյակ [[Ֆեբե (արբանյակ Սատուրն)|Ֆեբեն]], նույնպես առաջացել են այս շրջանում։

 

 

[[Պլուտոն]]ը խոշորագույն հայտնի Կոյպերի գոտու մարմինն է։ Իսկզբանե, այն համարվում էր մոլորակ, բայց, քանի որ այն պատկանում է Կոյպերի գոտուն, այն դասակարգվեց որպես գաճաճ մոլորակ։ Իր կազմով Պլուտոնը նման է այլ Կոյպերի գոտու մարմիններին, իսկ նրա պտույտի պարբերությունը թույլ է տալիս նրան հատկացնել «[[պլուտինո]]» ենթախմբին։ Ի պատիվ Պլուտոնի այս պահին հայտնի չորս գաճաճ մոլորակների ենթախումբը անվանում են «[[պլուտոիդ]]ներ»։