'''Տրիտոններ''' (Triturus), [[Սալամանդրներ|սալամանդրներ]]ի ընտանիքի [[Պոչավոր երկկենցաղներ|պոչավոր երկկենցաղներ]]ի սեռ։ Մարմնի երկարությունը մինչև 18 սմ Է։ Պոչը կողքերից սեղմված է մաշկային եզրաշերտով։ Հայտնի է տրիտոնների 10 ([[ԽՍՀՄ]]-ում՝ 5) տեսակ, տարածված [[Եվրոպա]]յում և [[Ասիա]]յի մերձակա շրջաններում, գլխավորապես [[Անտառ|անտառ]]ներում։ Բեղմնավորման շրջանում ([[Գարուն|գարնանը]] և [[Ամառ|ամռան]] սկզբին) ապրում են [[Ջուր|ջրում]] (ոչ խորը, սովորաբար չհոսող [[Ջրամբար|ջրամբար]]ներում)։ Բեղմնավորությունը ներքին Է։ [[Թրթուր|Թրթուրներ]]ըները հասուն անհատների են վերածվում 3—5 ամսից, երբեմն միայն հաջորդ տարին։ Սնվում են մանր խեցգետնակերպերով, փափկամորթներով, գորտերի ձուղպով, անձրևորդերով, միջատներով ևն։ Օգտագործվում են որպես լաբորատոր կենդանիներ։ Տրիտոններ են անվանում նաև որոշ այլ պոչավոր երկկենցաղների։ ԽՍՀՄ-ում Տրիտոնների 3 տեսակ գրանցված էր [[Կարմիր գիրք|Կարմիր գրքում]]։
