«Սյունիներ»–ի խմբագրումների տարբերություն

Սյունիները եղել են Մեծ Հայքի թագավորության ամենահզոր նախարարական տունը, համաձայն [[Զորանամակ]]ի՝ մարտադաշտ դուրս բերել 19 400 հեծյալ, ըստ Սահակյան Գահնամակի՝ զբաղեցրել առաջին գահը։ Ցուցաբերած ծառայությունների և սխրանքների համար, [[Արշակունիներ|արքաներից]] արժանացել են մեծամեծ պարգևների ու պատիվների, արտոնվել են՝ բազմել արծաթե գահույքին, կրել մարգարտյա վարսակալ, վարազագիր մատանի և ոսկյա մական, հագնել կարմիր կոշիկ։

Սյունիների իշխանանիստ կենտրոնը հնում եղել է [[Ծղուկք]] գավառի [[Շաղատ]] գյուղաքաղաքը, [[820]]-ական թվականներթից՝ [[Վայոց ձոր]]ի [[Եղեգիս]] գյուղաքաղաքը։

[[970]]-ական թվականներից Սյունիների նստավայրն է դառնում [[Կապան]]ը։ [[987]] թվականին [[Սմբատ Սյունի]]ն հիմնադրում է [[Սյունիքի թագավորություն]]ը, որի կենտրոնն էր Սյունի (այժմ՝ [[Սիսիան]]) ավանը, ապա՝ Կապանը (այժմ՝ [[Սյունիքի մարզ|ՀՀ Սյունիքի մարզ]]ի կենտրոն)։ Սյունիների վաղ շրջանի պատմության վերաբերյալ տեղեկությունները սակավ են։ Հայտնի է, որ Սյունիները մասնակցել են Մեծ Հայքում [[Քրիստոնեության ընդունումը Հայաստանում|քրիստոնեությունը պետական կրոն հռչակելուն]], ի թիվս այլ մեծամեծ իշխանների, Գրիգոր Լուսավորչին ուղեկցել [[Կեսարիա]]՝ օծվելու [[կաթողիկոս]]։ Հայոց թագավոր [[Խոսրով Բ Կոտակ]]ի գահակալման տարիներին ([[330]]—[[338]]) Վաղինակ Սյունի իշխանը մասնակցել է [[Աղձնիք|Աղձնյաց]] ապստամբ բդեշխի դեմ արշավանքին, թագավորի հրամանով ամուսնացել սպանված բդեշխի դստեր հետ և կառավարել [[Աղձնիքի բդեշխություն|Աղձնյաց բդեշխություն]]ը։ [[330]]-ական թվականների վերջին զորավարական բարձր դիրքի է հասել [[Անդովկ Սյունի]]ն։