«Սննդամթերք»–ի խմբագրումների տարբերություն

== Յուրացում և պահպանման ժամկետ ==

Օրգանիզմում սննդամթերքների յուրացումը կախված է դրանց տեսակից, մշակման եղանակից և այլն։ Խառը սննդի դեպքում սպիտակուցների յուրացումը կազմում է 84,5%, ճարպերինը՝ 94%, ածխաջրերինը՝ 94—96% ։ Սննդամթերքը փչանում է [[ֆերմենտներ]]ի, մանրէների, ինչպես նաև օդի [[թթվածին|թթվածնի]], լույսի ազդեցությամբ, որի հետևանքով սննդամթերքի օրգանական նյութերը քայքայվում են և հանգեցնում սննդամթերքի օրգանոլեպտիկ հատկությունների (համ, հոտ, տեսք) բնորոշ փոփոխությունների։ Արագ փչանում են միսը, ձուկը, կաթը, հատապտուղների մեծ մասը և այլն, ուշ՝ [[հացահատիկ]]ները, [[ալյուր]]ը, [[ձավարեղեն]]ը, [[մակարոնեղեն]]ը են։ Արագ փչանալը հիմնականում պայմանավորված է սննդամթերքի մեջ ջրի բարձր պարունակությամբ։ Պահպանման ժամկետները երկարացնելու նպատակով սննդամթերքները հատուկ եղանակով մշակվում են։

== Որակի հսկում ==

[[ԽՍՀՄ]]-ում սննդամթերքի որակը հսկում են պետական սանիտարական տեսչությունը, սննդամթերքի որակի տեսչությունը և անասնաբուժասանիտարական հսկողության մարմինները։ Սննդամթերքի որակի հսկողության իրականացման հարցում հիմնական օրենսդրական փաստաթուղթ են միութենական պետական ստանդարտները, որոնք ընդգրկում են սննդամթերքի որակի հետ կապված բոլոր աոավել կարեոր հարցերը՝ դրանց օրգանոլեպտիկ հատկությունների գնահատման կանոնները, փչացման ֆիզիկաքիմիական և բակտերիալոգիական ցուցանիշները, հետազոտության մեթոդները, պահպանման, փաթեթավորման, տեղափոխման հիմնական պայմանները են։ Ստանդարտին չհամապատասխանող սննդամթերքի պիտանելիության հարցը վճռում է միայն պետական սանիտարական տեսչությունը։