«Դերոն Ուիլյամս»–ի խմբագրումների տարբերություն

'''Դերոն Մայքլ Ուիլյամս''' ([[Անգլերեն|անգլ]].՝ ''Deron Michael Williams'', ծնվ.՝ [[հունիսի 26]], [[1984]]թ.), ամերիկացի պրոֆեսիոնալ [[բասկետբոլ]]իստ։ Հանդես է գալիս [[Բասկետբոլի ազգային ասոցիացիա]]յի (NBA) «[[Բրուքլին Նեթս]]» ակումբում որպես [[խաղարկող]]։

[[NCAA|Ուսանողական առաջնությունը]] անցկացնելով [[Իլինոյսի համալսարան]]ի «Ֆայթինգ Իլինի» թիմում՝ Ուիլյամսը մուտք է գործում [[2005թ. NBA դրաֆթ|2005 թվականի NBA դրաֆթ]]՝ ընտրվելով երրորդը «[[Յութա Ջազ]]ի» կողմից։ «Ջազում» Ուիլյամսն անցկացնում է մոտ 6 մրցաշրջան և [[2011]] թվականի [[փետրվարի 23]]-ին փոխանակվում և տեղ գտնում «Նյու Ջերսի Նեթս» (ավելի ուշ՝ ''«Բրուքլին Նեթս»'') ակումբում, որը Ուիլյամսին ձեռք բերելու համար «Յութային» էր հանձնել պաշտպան Դևին Հարիսին, հարձակվող Դերիք Ֆեյվորսին, ինչպես նաև գալիք դրաֆթում 2 առաջին ռաունդի ընտրություններ և 3 միլիոն [[ԱՄՆ դոլար]] կանխիկ գումար։ 2011 թվականի տխրահռչակ լոկաուտի ժամանակ Ուիլյամսը արտոնյալ պայմանագիր է կնքում թուրքական «Բեշիկթաշի» հետ, որտեղ անցկացնում է մի քանի խաղ՝ մինչև լոկաուտի ավարտը։

Ուիլյամը 3 անգամ ճանաչվել է աստղ (''NBA All-Star''), 2 անգամ տեղ գտել «All-NBA երկրորդ թիմ» և 1 անգամ «NBA All-Rookie առաջին թիմ» խորհրդանշական հավաքականներում։

Ուիլյամսը Միացյալ Նահանգների բասկետբոլի ազգային հավաքականի անդամ է, որի կազմում նվաճել է ոսկե մեդալ [[Ամառային Օլիմպիական խաղեր 2012|Լոնդոնի]] (2012) և Պեկինի (2008) ամառային օլիմպիական խաղերում, ինչպես նաև հանդես եկել ՖԻԲԱ-ի ամերիկյան առաջնությունում՝ նույնպես դառնալով ոսկե մեդալակիր։