'''Սոս Մանուկյան''', (ծնվել է [[հունվարի 15]] (28)-ին, [[1911]], գյուղ [[Չիբուխլուղ|Չիբուխլու]] (այժմ Սևանի շրջանի գյուղ [[Ծովագյուղ]])), հայ խորհրդային ճարտարապետ։ ՀԽՍՀ վաստակավոր ճարտարապետ (1961)։ Ավարտել է [[Երևանի պոլիտեխնիկական ինստիտուտ]]ը (1937)։
[[1936]]—[[1941]] թվականներին կազմել է մի շարք բնակավայրերի ([[Էջմիածին]], [[Սևան]] և այլն) գլխավոր հատակագծերը։ Նրա նախագծերով կառուցվել են Թումանյանի (1945-1955), «ԿԱՆԱԶ» գործարանի (1948-1962) բանավանները, Էջմիածնի (1945-1946) և «ԿԱՆԱԶ» գործարանի (1953-1954) մշակույթի պալատները, կույրերի տուն-կոմբինատը [[Երևան]]ում ([[1948]]) բնակելի տներ Ազատության (1949-1952), [[Օրջոնիկիձե]]ի (1950-1952) պողոտաների վրա և այլն, [[Լենինական]]ում, ակումբներ [[Զեյվա]]յում ([[1949]]), [[Սևանի թերակղզի|Սևանա թերակղզ]]ում (1952-1953), Ծովագյուղում (1965-1966) , [[Աշտարակ (քաղաք)|Աշտարակում]] ([[1972]]), երկաթուղային կայարաններ (1965-1970), Հայրենական պատերազմում զոհվածների հուշարձան Ծովագյուղում (1967)։ Պարգևատրվել է Աշխատանքային կարմիր դրոշի շքանշանով։