'''Խդրբեկ''', Իտտեյր, հայաբնակ գյուղ [[Մուսա լեռ]]ան հյուսիս-արևելքում։ Գյուղը տարածված է բերրի և ջրառատ վայրում։ [[1913]] թվականին ուներ 195 տուն (1150 շունչ) հայ բնակիչ։ Զբաղվում էին երկրագործությամբ, անասնապահությամբ, մետաքսագործությամբ։ Մշակում էին [[նարինջ]], [[ձիթապտուղ]]։ Արտահանում էին [[մետաքսաթե]]լ, փայտե [[շերեփ]]-[[գդալ]]ներ, [[աղաման]]ներ։ Գյուղում կար երկու [[եկեղեցի]]՝ կից վարժարաններով։ Խդրբեկը [[1915]] թվականին [[Մուսա լեռան հերոսամարտ|Մուսա լեռան ինքնապաշտպանական մարտերին]] մասնակցած յոթ գյուղերից մեկն էր։ [[1924]] թվականին, երբ կազմակերպվեց Մուսա լեռան գյուղախումբը, Խդրբեկը դարձավ նրա վարչական կենտրոնը, որտեղ նստում էր գավառապետը (ազգությամբ՝ հայ)։ [[1939]] թվականին, երբ Ալեքսանդրետի սանջակը հանձնվեց [[Թուրքիա]]յին, Խդրբեկի հայ բնակիչները գաղթեցին [[Սիրիա]], ապա՝ [[Լիբանան]], որտեղից նրանց զգալի մասը [[1946]]-[[1947]] թթվականին ներգաղթեց [[Արևելյան Հայաստան]]։
