«Համադրական լեզուներ»–ի խմբագրումների տարբերություն

'''Համադրական լեզուներ''', [[լեզու]]ների տիպաբանական խումբ, որտեղ գերակշռում են քերականական իմաստների արտահայտման համադրական ձևերը, այսինքն՝ վերլուծականության և բազմահամադրականության համեմատությամբ համադրականության [[տոկոս]]ը զգալիորեն բարձր է (զուտ համադրական և զուտ վերլուծական լեզուներ չկան)։ Համադրական լեզուներն են ուգրա-ֆիննական, [[Սեմական լեզուներ|սեմական]], [[Թյուրքական լեզվախումբ|թյուրքական]], [[հին հնդեվրոպական լեզվախումբ|հին հնդեվրոպական]] և այլ լեզուներ։ Լեզուների դասակարգումը համադրական և վերլուծական տիպերի առաջարկել է [[Շլեգել Ավգուստ Վիլհելմ|Ա. Շլեգելը]]՝ թեքական լեզուների համար, բայց հետագայում Ա. Շլայխերը համադրական է համարել նաև կցական լեզուները։ Լեզուների վերլուծական, համադրական և բազմահամադրական տիպերի առանձնացումը շարահյուսական դասակարգում է և չի նույնանում լեզուների ձևաբանական դասակարգման հետ։ Համադրական լեզուներում բառի մեջ մտնող ձևույթները միանում են գերազանցապես ձուլմամբ (սերտաճմամբ), կցմամբ են։