'''Անդրանիկ Մարտիրոսի Կոթողյան''' ([[հունիսի 15]], [[1904]], [[Վան]] - [[հունվարի 1]], [[1982]], [[Երևան]]), հայ մեղվաբույծ։ Գյուղատնտեսության գիտությունների դոկտոր (1954), պրոֆեսոր (1958)։
Ավարտել է Երևանի անասնաբուծական-անասնաբուժական ինստիտուտը (1933)։ 1936-ից դասախոսել է Հայկական գյուղատնտեսական և Երևանի անասնաբուծական-անասնաբուժական ինստիտուտներում։ [[1944]]-[[1961]] թթ. եղել է Հայկական անասնաբուծության և անասնաբուժության ԳՀԻ մեղվաբուծության և մանր եղջերավոր անասնապահության բաժնի վարիչ։ Գիտական աշխատությունները նվիրված են [[Հայաստան]]ի մեղվաբուծության զարգացման պատմությանը, մեղվի ընտանիքների բազմացման, օժանդակ մայրերի օգտագործման հարցերին, մեղուների նոր պոպուլյացիաների խոշորացված հիբրիդների ստեղծմանը։ Կոթողյանին է պատկանում մեկ մեղվաընտանիքից ստացված [[մեղր]]ի (304 կգ) և [[մեղրամոմ]]ի (14 կգ) համաշխարհային ռեկորդը (1940)։
