'''Կորնթոսյան պատերազմ''' ( մ. թ. ա. [[395]]—[[387]] թվականներ ), հունական պոլիսների ([[Աթենք]] , Թեբե , [[Կորնթոս]] , Արգոս, Ակարնանիա, Մեգարա ) միության և [[Սպարտա]]յի գլխավորած Պելոպոնեսյան միության միջև։ Պատճառը հունական, զարգացած պոլիսների՝ Սպարտայի հեգեմոնիայից ազատվելու ձգտումն էր։ Հակասպարտական խմբավորմանը սկզբում ֆինանսավորել է Սպարտայի հետ մ. թ. ա. [[399]] թվականից պատերազմի մեջ գտնվող [[Պարսկաստան]]ը։ Պարսկաստանի միջոցներով կառուցված նավատորմը, աթենացի Կոնոնի գլխավորությամբ, մ. թ. ա. [[394]] թվականին Կնիդոս կղզու մոտ հաղթեց սպարտացիներին։ Պոլիսների միության հաջողությունները Պարսկաստանին (որը վախենում էր Աթենքի հզորացումից) ստիպեցին աջակցել Սպարտային։ Պարսկաստանի ճնշմամբ պատերազմական գործողությունները դադարեցվեցին։ Անտալկիդասի հաշտությամբ (մ. թ. ա. [[387]] կամ [[386]] թվականներին ) Սպարտան Հունաստանի անունից հրաժարվեց հույն-պարսկական պատերազմների ժամանակ գրաված տարածքներից՝ հօգուտ Պարսկաստանի։
