'''Կիսում''' - օրգանիզմների ու բջիջների բազմացման եղանակ։ Բակտերիաների կիսում իրականանում է ընդլայնական միջնապատերի առաջացումով, որին նախորդում է նուկլեոտիդի [[ԴՆԹ]]-ի թելիկների կրկնապատկումը ([[ոեպլիկացիա]])։ Բջջային կորիզով օժտված միաբջիջ կենդանիների և ջրիմուռների կիսման միաժամանակ անսեռ բազմացում է։ Կիսումը կարող է ընթանալ և' ակտիվ, և' հանգստի վիճակում (ցիստավորված)։ [[Միաբջիջ օրգանիզմներ]]ում (առանձին բացառությամբ)կիսումն իրականանում է որպես միտոզ։ Նրան նախորդում է ԴՆԹ-ի ռեպլիկացիան և քրոմոսոմների կրկնապատկումը։ [[Բազմաբջիջ օրգանիզմներ]]ի բջիջների կիսումն ընկած է անհատական զարգացման՝ [[օնտոգենեզ]]ի և սեռական բազմացման հիմքում։ Բազմաբջիջ բույսերի և կենդանիների օրգանիզմում առաջ են եկել բազմացման այլ եղանակներ, օրինակ, բողբոջումը։ Բազմաբջիջ կենդանիներից կիսման ճանապարհով բազմացումը բնորոշ է որոշ [[թարթիչավոր որդեր]]ի։